Ospidal - Chirurgie
Copchar la colliaziun i'l archiv provisoric. Copchà!

Chirurgia & ortopedia

Illa partiziun da la chirurgia & ortopedia collavura ün team fich qualifichà. Ultra dal trattamaint d’urgenza acut mettan a disposiziun specialists lur savair.

Da proveder l’Engiadina Bassa extaisa da Zernez fin Samignun sün l’inter territori es üna sfida. Be uschè po gnir garanti ün provedimaint da basa optimal. Be uschè pon gnir fattas operaziuns specificas, chirurgicas ed ortopedicas d’ot nivel.

Copchar la colliaziun i'l archiv provisoric. Copchà!

Trattamaint d’urgenza acut

In ün cas d’urgenza es il paziaint dependent d’ün provedimaint acut d’üna fich ota qualità. Feridas d’accidaints sco ruottadüras da l’ossa, mals acuts sco colicas o malatias dandettas, vegnan trattadas a l’ospidal mincha di. Per la diagnostica e’l provedimaint vegnan applichadas las metodas las plü modernas. Sül prüm provedimaint as basan eir il program da trattamaint e’l concept da terapia.

A l’ospidal es il provedimaint acut be üna part da la lavur chirurgic-ortopedica. Ils blers paziaints vegnan trattats in connex cun intervenziuns electivas.

Copchar la colliaziun i'l archiv provisoric. Copchà!

Chirurgia d’accidaints

Accidaints pon avair per consequenza feridas cumplichadas. Las operaziuns e’ls trattamaints vegnan fats a l’ospidal adüna tenor ils standards ils plü nouvs. Per stabilisar ruottadüras da l’ossa vegnan fattas per exaimpel uschè nomnadas “osteosintesas in angul stabil”. Cun quai dvaintan ils paziaints svelt movibels e nu ston plü star lönch in let. L’amiaivlezza invers ils paziaints es da grond’importanza pro tuot las intervenziuns.

Copchar la colliaziun i'l archiv provisoric. Copchà!

Ortopedia – greivas malatias da las lisüras

A l’ospidal pisseran meidis specialists cun lur know-how per üna vasta spüerta ortopedica. Uschè pon gnir implantadas per exaimpel sül lö protesas dal gialun, dal schnuogl e da las spadlas. Eir intervenziuns artroscopicas da greivas malatias da las lisüras succedan tant da maniera conservativa sco eir operativa.

Las intervenziuns seguaintas fan t.o. part da l’ortopedia:

  • protesas da gialun
  • protesas da schnuogl
  • protesas da spadla
  • artroscopias da las lisüras (schnuogl, spadla, chandun, e.o.)
  • intervenziuns da splazzamaint (peis, chommas,e.o.)
  • NOUV: Rimplazzamaint integrativ da las lisüras dal gialun e dal schnuogl (PDF)
Copchar la colliaziun i'l archiv provisoric. Copchà!

Chirurgia generala

Da la chirurgia generala fan part cas d’urgenza da tuots geners, specialmaing dal vainter sura e suot. Cun metodas uschè schaniantas sco pussibel vain realisà a l’ospidal il prüm provedimaint. In cas da metodas minimal-invasivas as discuorra perquai eir da la “chirurgia da foura-clav”. Lapro vegnan diminuidas las dolurs e’ls paziaints sun svelt movibels e nu ston sar lönch in let.

Las intervenziuns seguaintas fan t.o. part da la chirurgia generala:

  • colecistectomia laparoscopica (amputaziun da la vschia dal feil)
  • operaziuns dal bögliet
  • intervenziuns dal bögl gross ed operaziuns in cas da defuormaziuns i’l abdomen
  • malatias dal tract digestiv, da la vaschia dal feil, da la glanda tiroïda e da las parts lommas
  • chirurgia d’uffants ambulanta
  • chirurgia dals mans
  • chirurgia dals peis
  • operaziuns da la pel
  • trattamaint da ruottadüras da l’aingla
  • mals da las venas
  • emorroïdas

Adüna al puls dal temp

Nouvs concepts

Eir examinaziuns da la medicina da sport vegnan fattas illas partiziuns specialisadas da la chirurgia/ortopedia. Pro la spüerta tocca üna diagnostica extaisa da la spina dorsala e da l’apparat motoric. Chi sajan spinas dorsalas chi bloccan o problems musculars – trattamaints manual-terapeutics dan surleivg al paziaint.

In basa al nomer creschaint da tumors da la pel spordscha l’ospidal eir üna collavuraziun cun ün dermatolog. Diagnosa e trattamaint succedan interdisciplinarmaing.

Rimplazzamaint integrativ da la lisüra dal gialun e dal schnuogl

«high tech» & «high touch» – ingüna cuntradicziun a Scuol

Cun la cumbinaziun da metodas d’operaziun modernas da la medicina classica e l’avicinaziun cumplessiva da la medicina integrativa Tillas/Tils spordschain nus il meglder da tuots duos secturs e cumbinain quists per Ellas/Els. Gugent Tillas/Tils cusgliain nus persunalmaing. Grazcha fich!

Ulteriuras infuormaziuns

a la pagina-web dal CSEB
Schliessen

Notfall 144

Unter folgenden Nummern erreichen Sie den hausärztlichen Notfalldienst rund um die Uhr:

  • 081 864 12 12 für die Region Scuol
  • 081 856 12 15 für die Region Zernez
  • 081 861 81 11 für die Region Samnaun

Unter der Nummer 081 861 10 00 erreichen Sie rund um die Uhr die Notfallstation des Ospidal.

Den nächsten AED-Standort im Unterengadin finden Sie auf unserer Übersicht.

REGA1414
Tox-Info145
Polizei117
Feuerwehr118
Dargebotene Hand143
Strassenzustand163
Lawinenbulletin187
Jugendnotruf147