Copchar la colliaziun i'l archiv provisoric. Copchà!

Servezzans da cussagliaziun & consiliars

La spüerta da prestaziuns da l’ospidal cumpiglia ultra dal provedimaint d’urgenza divers servezzans da cussagliaziun e consiliars.

La collavuraziun cun specialists externs pussibiltescha servezzans medicinals fich recugnuschüts. Ils meidis consiliars sun in intervals regulars in chasa e resguardan i’ls secturs seguaints:

  • medicina dals ögls
  • dermatologia
  • gastroenterologia
  • oncologia
  • ORL (culöz-nas-uraglias)
  • pediatria/neuropediatria
  • psichiatria
  • radiologia
  • urologia

 

Ulteriurs servezzans da cussagliaziun e consiliars:

Copchar la colliaziun i'l archiv provisoric. Copchà!

Cussagliaziun da nudrimaint

Mangiar san e cun plaschair – quists böts less intermediar la cussagliaziun da nudrimaint. A l’ospidal es preschainta adüna in lündeschdi la cusgliadra da nudrimaint Doris Berther. Ella chüra a paziaints staziunaris sco eir a paziaints ambulants.

Sco cusgliadra da nudrimaint SAP cussaglia Doris Berther a persunas singulas o gruppas in tuottas dumondas da nudrimaint. Chi saja quai üna reducziun dal pais, il trattamaint da disturbis digestivs o ün nudrimaint adattà individualmaing in ün cas da malatia. Lapro metta la cusgliadra da nudrimaint ün grond pais sün ün discuors individual e sün l’integraziun da la situaziun actuala.

Las prestaziuns seguaintas vegnan surtuttas da la sgüranza da basa da la chascha d’amalats:

  • malatias dal metabolissem (p.ex. diabeta)
  • adipositas
  • malatias cardiovascularas
  • malatias dal sistem digestiv
  • malatias dals ranuogls
  • stadis d’alimentaziun fosa sco eir manglusa
  • allergias chaschunadas da victuaglias

Prestaziuns cha la chascha d’amalats nu surpiglia:

  • nudrimaint per sportistas e sportists
  • fuormas da nudrimaint vegetaric
  • nudrimaint dürant la gravidanza e’l temp cha mammas dan bruost
  • nudrimaint per uffants
  • nudrimaint san / prevenziun
  • nudrimaint per persunas attempadas

Center da sandà Engiadina Bassa
OSPIDAL – Servezzans da cussagliaziun & consiliars
Via da l’Ospidal 280
7550 Scuol

Tel. +41 78 610 08 29
Fax +41 81 861 10 31

doris.berther@cseb.ch

Termins: mincha lündeschdi

Chargiar giò il formular d’annunzcha

Al planisader da rutas

Copchar la colliaziun i'l archiv provisoric. Copchà!

Cussagliaziun davart la diabeta

Cun la noziun diabeta mellitus vegnan recapituladas tuot las malatias chi chaschunan ün disturbi dal metabolissem da glucosa. Diabeta mellitus es la malatia la plü frequainta dal metabolissen in Svizra cun circa ün mez milliun pertocs. Ultra da las cumplicaziuns acutas sco iperglicemia e ipoglicemia sun ils dons consecutivs dal diabeta mellitus vi dal sistem cardiovascular, ögls, ranuogls e nervs, chi stöglian gnir impedits e retardats.

Da mantegmer Lur qualità da viver ed impedir dons consecutvis chaschunats da la malatia, quai ans sta a cour. Insembel i’l team interdisciplinar cun Ella/El e cun Seis meidi da chasa Tilla/Til pussibiltain nus üna terapia da diabeta cumplessiva.

I dà blers temas davart ils quals El/Ella stess esser bain infuormà/infuormada per obtgnair quist böt:

  • savüda da basa davart diabeta e las pussibiltats da trattamaint
  • autocontrolla (zücher dal sang, urin), far ed interpretar
  • medicamaints: effet, effets secundars e ris-chs
  • injecziun d’insulin: tecnica ed applicaziun
  • ipoglicemia, iperglicemia e ketoacidosa
  • masüras da cumportamaint per la vita quotidiana (lavur, temp liber, viadis, sport, ir cul auto)
  • consequenzas tardivas e co cha quistas pon gnir impedidas tant sco pussibel
  • pedicüra correcta
  • sustegn in situaziuns da crisa e fasas greivas in connex cun superar la malatia

La sgüranza da basa da las chaschas d’amalats surpiglia la cussagliaziun davart la diabeta e’l nudrimaint sch’ella es ordinada dal meidi e vain exeguida da persunas specialisadas.

  • Marianne Sägesser, specialista da chüra BScN, cusgliadra specialisada per diabeta

Center da sandà Engiadina Bassa
OSPIDAL – Servezzans da cussagliaziun & consiliars
Via da l’Ospidal 280
7550 Scuol

Tel. +41 81 861 10 33
Fax  +41 81 861 10 31

diabetesberatung@cseb.ch

Chargiar giò il formular d’annunzcha

Al planisader da rutas

a la pagina-web dal CSEB
Schliessen

Notfall 144

Unter folgenden Nummern erreichen Sie den hausärztlichen Notfalldienst rund um die Uhr:

  • 081 864 12 12 für die Region Scuol
  • 081 856 12 15 für die Region Zernez
  • 081 861 81 11 für die Region Samnaun

Unter der Nummer 081 861 10 00 erreichen Sie rund um die Uhr die Notfallstation des Ospidal.

Den nächsten AED-Standort im Unterengadin finden Sie auf unserer Übersicht.

REGA1414
Tox-Info145
Polizei117
Feuerwehr118
Dargebotene Hand143
Strassenzustand163
Lawinenbulletin187
Jugendnotruf147