Chüra palliativa
L’ospidal ha üna staziun palliativa per paziaints cun üna malatia incurabla o muribunds. Cun la prevenziun e’l surleivg da las dolurs ed otras sufrentschas vain amegldrada la qualità da viver dals paziaints.
Resguardà vain pro’l trattamaint il sectur fisic, mental e spiritual. Sün giavüsch survegnan ils paziaints implü üna chüra cumplementar-medicinala i’l sen d’üna medicina cumplessiva.
Tour cumgià
La dignità e’ls giavüschs da l’uman stan i’l center da la staziun palliativa. Ün punct central es d’optimar la controlla da simptoms tenor las ideas individualas dals paziaints. Anteriuras decleraziuns e disposiziuns dals paziaints vegnan respettadas. Ideas da paraints e commembers dal team da chüra vegnan integrats illa procedura da decisiun, nu pon però majorisar la voluntà dal paziaint. L’autonomia dal paziaint resta scha pussibel garantida.
La paletta da spüertas da la chüra palliativa
- sustegn illa fasa da persunas a la fin da lur vita in cas d’üna gronda greivezza fisica e/o psichica dal paziaint e seis paraints resp. da sias persunas da referimaint
- organisaziun e planisaziun d’ün nouv ambiaint da la vita in cas cha las persunas da chüra d’infin uossa sun surdumandadas
- nouva regulaziun da la terapia cunter dolurs
- cumplettaziun da la terapia cumplementar-medicinala
- consultaziun ambulanta davart la medicina cumplementar-medicinala e las dolurs
- collavuraziun consiliara cun l’oncologia da l’ospidal chantunal dal Grischun e’ls Servezzans psichiatrics dal Grischun
- chüra: planisaziun individuala da la chüra (agüd per güdar a sai svess), sistem da la chüra da referimaint (cumpetenza d’ün’unica persuna da contact)
- collavuraziun interdisciplinara tanter l’ospidal e meidis da chasa, persunas da chüra, terapeuts, paraints, spirituals, lavuraints socials, voluntaris e spitex
- cuschina specialisada
- pernottaziun illa stanza da la paziainta
- terapias specialas
- fisioterapia ed ergoterapia
- terapia da musica
- terapia da’s mouver
- psicoterapia
- fricziuns ritmicas, faschas e cumpressas
Contact
Claudia Crastan
secretariat medicina
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 822 12 00 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.