Fermada & visita

Arriv

Nus Tillas/Tils racumandain da far manar scha pussibel a paraints o cuntschaints a l’ospidal e d’ütilisar ils mezs da trafic publics. Üna fermada dal bus local as rechatta directamaing sper l’ospidal. Il planisader da rutas Tillas/Tils muossa la via pro nus. Per ir aint il veicul e gnir oura da quel pon dovrar paziaintas e paziaints la plazza da fermada pro l’entrada.

Plazzas da parcar

Las plazzas da parcar sper l’ospidal sun suottamissas a taxas. I nu stan a disposiziun ingünas plazzas da parcar permanentas.

Uras d’avertüra da la recepziun

Lündeschdi fin venderdi: 07.00 – 20.00
Sonda e dumengia: 08.00 – 20.00

In nossa broschüra per l’infuormaziun als paziaints chattan Ellas/Els tuot las infuormaziuns per Lur visita o Lur sogiuorn.

• Infuormaziuns per paziaintas e paziaints

Stanzas i’l ospidal

24 stanzas daja i’l ospidal a Scuol. Tuot las stanzas sun cleras, prüvadas e spordschan mincha confort.

Staziun privata

Be la vista sün la cuntrada muntagnarda da l’Engiadina Bassa es fingià salüdaivla. Da la fanestra o da la lobgia as vezza eir il cumün da Scuol, l’En blau verd e’ls gods spess.

Las stanzas d’ün let sun equipadas in möd seguaint:

• colliaziun cul wireless gratuita per l’access a l’internet
• radio e tv cun emetturs naziunals ed internaziunals
• attach da telefon cun selecziun directa
• lets chi’s po reglar da möd electric
• bogns
  • mantels da bogn, pantoflas da bogn, süaintamans da frottar, savun per la duscha, schampo pels chavels, crema pel corp stan a disposiziun, sco eir ün favuogn sün dumonda
  • sün giavüsch vain lavada la roba privata

Mincha di spordschain nus a noss paziaints chi han üna sgüranza supplementara üna gazetta quotidiana sco eir ulteriurs servezzans specials.

Tuot las stanzas da paziaints

Las stanzas da paziaints sun equipadas in möd seguaint:

• radio gratuit
• access a l’internet suottamiss a taxas
• per mincha plazza da let tv cun oblig da pajar taxas ed üna gronda tscherna d’emetturs naziunals ed internaziunals
• lets chi’s po reglar da möd electric

Tuots detagls davart il sogiuorn pon Ellas/Els per plaschair leger davo in nossa broschüra per paziaints extaisa.

Cuschina

Frais-cha, regiunala e stagiunala – uschè es la cuschina a l’ospidal. Ils paziaints han adüna üna gronda tscherna tanter trats vegetarics e cun charn. Tuot tenor ils bsögns o las prescrpziuns medicinalas ed eventualmaing eir davo avair passà pled cun la cussagliaziun da nudrimaint pon ils trats gnir cuschinats eir da maniera individuala.

Il team da la cuschina s’occupa dal bainstar corporal illas gestiuns seguaintas dal center da sandà:

• Ospidal
• Clinica Curativa
• Spitex
• chasa da chüra Chüra Lischana
• Servezzans psichiatrics dal Grischun
• maisa da mezdi per las scoulas

Cuschina da dieta

Nos team da cuschina resguarda insembel da trattamaint las intoleranzas ed allergias. In cas da bsögn tratta il schef da cuschina cun la cusgliadra da nudrimaint las pussibiltats da pudair cuschinar, adonta da restricziuns, ün damangiar gustus e san.

Cafetaria

Pels collavuraturs e las visitas dals paziaints o abitants sta a disposiziun üna cafetaria. Qua pon ils paziaints cun lur paraints as laschar gustar ün giantar delizchus in ün’atmosfera prüvada.

Feedback persunal

Il schef da cuschina fa eir regularmaing visitas da “schefcuschinunz” als paziaints ed abitants. Quist contact persunal serva per gnir a savair propostas e giavüschs culinarics. Uschè po il team da la cuschina s’occupar amo meglder dals bsögns dals paziaints ed abitants. Nos schef da cuschina es cuschinunz da dieta diplomà. El resguarda insembel cul team da trattamaint adüna las intoleranzas ed allergias. In cas da bsögn tratta il schef da cuschina cun la cusgliadra da nudrimaint las pussibiltats da pudair cuschinar, adonta da restricziuns, ün damangiar gustus e san.