Cas d'urgenza
0057852
Copchar la colliaziun i'l archiv provisoric. Copchà!

Filosofia

L’idea dal Center da sandà Engiadina Bassa (CSEB) es fascinanta e simpla e tuottüna innovativa: Suot ün tet van furniturs importants da la regiun i’ls secturs dal provedimaint da sandà, da la chüra, da la cussagliaziun d’attempats e da wellness üna via cumünaivla.

Cul CSEB ha prestà la regiun üna lavur da pionier. Tant i’l chantun Grischun sco eir surour ils cunfins dal pajais vala quist model sco exaimpel. Las sportas da l’ospidal regiunal, dal servezzan da salvamaint, da la clinica da reabilitaziun, da la spitex, da las gruppas da chüra, da las chasas da chüra e dal Bogn Engiadina vegnan armonisadas da maniera optimala. Quista stretta collavuraziun pussibiltescha da far adöver da sinergias ed ha ün effet positiv sün paziaints e collavuraturs. Eir politicamaing survain la regiun da sandà Engiadina Bassa ün’importanza plü ferma grazcha al CSEB.

Copchar la colliaziun i'l archiv provisoric. Copchà!

L’istorgia da success d’üna regiun perifera

Üna cuntrada intacta sco eir üna medicina da fich ota qualità e sportas da sandà – quai sun las premissas per ün center da sandà chi funcziuna. Daspö l’on 2007 garantischa il CSEB üna chadaina da provedimaint cumplessiva, da la naschentscha fin pro la chüra palliativa.

In tuot la Svizra es la cumbinaziun da la medicina classica e medicina cumplementara sainza congual. Quista basa da la medicina integrativa pussibiltescha a paziaints e cliaints ün trattamaint da gronda portada chi po gnir concepi tuot tenor bsögn. Las vias ill’organisaziun sun cuortas, la collavuraziun interdisciplinara vain missa in evidenza.

Daspö l’on 2007 sun gnüdas s-chaffidas grazcha al CSEB passa 70 nouvas plazzas da lavur. Minch’on vegnan trattats var 3000 paziaints, giasts e cliaints – cun tendenza creschainta. Eir l’importanza politica es dvantada plü gronda, quai chi ha ün effet positiv sün tuot la regiun dal Parc Naziunal.

Copchar la colliaziun i'l archiv provisoric. Copchà!

Film documentari «Muntogna magica – Zauberberg»

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 822 12 00 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147