Ginecologia & assistenza al part a l’ospidal

Ura da consultaziun per l’assistenza al part

Nossa spüerta ginecologica cumpiglia tuot il spectrum da visitas preventivas dad operaziuns fin al trattamaint posteriur, cun nus es Sia chüra in ün man.

• Examinaziun preventiva ginecologica (controlla annuala)
• Cussagliaziun e terapia per problems da sterilità e giavüschs d’avair ün uffant
• Cussagliaziun e terapia per dumondas anticoncepziunalas
• Sclerimaint da disturbis ormonals ed anomalias dal ciclus
• Sclerimaint e terapia da simptoms da la menoposa
• Diagnostica e terapia da l’endometriosa
• Terapia dal miom
• Controllas da labor, prelevamaint dal tessü e dal cancar
• Sonografia ginecologica (ultrasun)
• Mammasonografia
• Terapia conservativa ed operativa da l’incontinenza da la vaschia e da simptoms da sedimentaziun
• Operaziuns d’endoscopia (examinaziun da la madra e dal vainter)
• Operaziuns ambulantas e staziunarias
• Controllas da l’andamaint davo operaziuns

Termins per l’ura da consultaziun ginecologica spordschain nus mincha di. Quists po Ella arrandschar independentamaing o individualmaing tras assegnaziun.

Ura da consultaziun per l’assistenza al part

Nus spordschain ün’assistenza dürant l’intera gravidanza cumprais las prümas eivnas davo la paglioula

• Prüma examinaziun cun constataziun da la gravidanza, controlla dal stadi da vaccinaziun e far il pass da maternità
• Ura da consultaziun da la duonna da part cun preparaziun a la gravidanza e paglioula
• Test da prüm trimester: Screening da fuormaziuns illa 12- fin 14avla eivna da la gravidanza
• Screening dals organs: Diagnostica precisa ad ultrasun cun attenziun particulara sül svilup al cour e al tscharvè illa 20- fin 22avla eivna da la gravidnza
• Il test oral da toleranza da la glucosa gnarà realisà illa 24- fin 28avla eivna da la gravidanza
• Il terz screening ha lö intuorn la 30avla eivna da la gravidanza
• Sonografia 3D/4D (reproducziun tridimensiunala da l’uffant i’l sain da la mamma)
• Ura da consultaziun davart il möd da part (cumprais prouva da volver in posiziun inversa)
• Ulteriuras controllas da la posiziun e creschentscha da l’uffant, da l’aua da la vaschia, da la placenta, dals tuns dal cour ed examinaziuns dal sang vegnan realisadas in intervals regulars fin pro la paglioula
• Circa 6 eivnas davo la paglioula ha lö ün’examinaziun finala cun üna cussagliaziun detagliada

Gravidanza

A l’ospidal praistan las duonnas da part ün’assistenza cumplessiva da la prüma controlla da la gravidanza fin pro la paglioula.

Sgürezza e fiduzcha sun duos cumponentas importantas dürant la gravidanza, la naschentscha e la paglioula. Las duonnas da part a l’ospidal mettan grond pais sün üna relaziun familiara e s’occupan individualmaing dals bsögns dals genituors venturs.

Nus spordschain tanter oter controllas duonnas da part, acupunctura e cuors per preparar la paglioula.Ulteriuras infuormaziuns davart la spüerta da cuors « reparaziun da la paglioula » 

Naschentscha

Illa sala da parturir garantin nus ün’assistenza 1:1 da la duonna da part. Cun quai es garantida ün’assistenza optimala e sgüra per la duonna chi parturischa. La sporta dürant la paglioula cumpiglia, ultra da las metodas üsitadas da la medicina classica, eir metodas alternativas sco l’aromaterapia, l’omeopatia e l’acupunctura. Per üna paglioula cun pacas dolurs vain sporta da nossa partiziun anestesiologica da di e da not üna terapia adequata cunter dolurs ed in cas da bsögn üna PDA (anestesia peridurala). L’equipamaint da la sala da parturir cumpiglia il let da parturir, la bognera da parturir, il s-chabè Maja, s-chalera, la balla Pezzi e’l tapet da fuond.

Paglioula

Davo la paglioula pon ils genituors as recrear cun lur uffant nouvnaschü in bellas chombras cleras, cumprais il bogn. I sun disponiblas eir chombras da famiglia. Pro nus es il rooming-in standard, però sün dumonda pudain nus eir perchürar a l’uffant nouvnaschü ad uras. L’assistenza cumplessiva dürant la paglioula staziunaria ed ambulanta praistan las duonnas da part. Ultra da las masüras da chüra üsitadas e la cussagliaziun per mammas chi dan bruost a lur uffants vain discus ed instrui in quist connex, insembel culs genituors, eir la chüra cumpletta d’uffants pitschens.

Las prümas examinaziuns pediatricas U1 + U2 vegnan fattas a l’ospidal da la pediatra locala dr. Angela Chappatte.

Ultra da quai spordschain nus in intervals regulars ün cuors da regressiun.
Ulteriuras infuormaziuns davart la spüerta da cuors «regressiun» 

Las uras da visita sun minchadi da las 14.00 fin a las 19.00.