Cas d'urgenza
Copchar la colliaziun i'l archiv provisoric. Copchà!

Cordial bainvgnü!

Ella/El s’interessa per ün sustegn dürabel e vast da l’Ospidal d’Engiadina Bassa?

Lura es Ella/El qua precis al güst lö!

Nossa società ha per mera il mantegnimaint da la spüerta importanta a l’ospidal – hoz ed in avegnir, per indigens e giasts. Nus fain quai i’l sectur politic e finanzial, fain PR in occasiun d’arrandschamaints regiunals ed ans ingaschain eir persunalmaing in cas chi douvra agüd.

L’ospidal offra üna spüerta cumplessiva chi’d ha üna gronda importanza per nossa regiun perifera. A partir da la naschentscha e dürant la vita s’esa adüna darcheu o eir suvent dependent d’avair in vicinanza ün vast provedimaint da medicina e da chüra. Quai schligerischa dad ir a l’ospidal, po salvar la vita in ün cas urgiaint e pissera eir cha persunas in situaziuns d’urgenza pon restar in vicinanza da lur famiglia. Quai po contribuir tanter oter essenzialmaing a la guarischun ed in mincha cas promouver il bainesser. Eu Tilla/Til stun gugent a disposiziun sch’Ella/El less gnir a savair daplü da nossa lavur e güdar a nus in quist reguard. Grazcha fich!

Seraina Bickel
presidenta

Copchar la colliaziun i'l archiv provisoric. Copchà!

Böts da la società

La società “Amias & Amis da l’Ospidal d’Engiadina Bassa” chi’d es gnüda fundada als 3 settember 2003 ha in mera da promouver la fiduzcha da la populaziun in seis agen ospidal e da til francar illa conscienza dals giasts. Ultra da quist agüd ideal perseguitescha la società il sustegn pratic e material da l’ospidal. Quist cumpiglia la procuraziun resp. il parderdscher da mezs finanzials per progets orientats als paziaints e collavuraturs. Da la società fan part var 300 commemberse commembras; ellas/els derivan surtuot da l’Engiadina Bassa, mo eir dad otras parts da la Svizra.

Cun Sia commembranza illa società sustegna Ella/El noss böts e noss interess, cun donaziuns s’augmaintan nossas pussibiltats. Grazcha fich.

Copchar la colliaziun i'l archiv provisoric. Copchà!

Suprastanza

  • Seraina Bickel, Susch (presidenta)
  • Anna Barbla Buchli, Sent
  • Annina Mengiardi, Ardez
  • Leta à Porta, Scuol (actuara)
  • Martin Büsing, Scuol (rapreschantant dals meidis domiciliats)
  • Seraina Bezzola, Zernez (chaschiera)
  • Urs Trottmann, Scuol (vicepresident)
  • Joachim Koppenberg, rapreschantant da la direcziun da l’ospidal

 

Copchar la colliaziun i'l archiv provisoric. Copchà!

Relaziun bancara

Banca Chantunala Grischuna, 7002 Cuoira
Amias & Amis da l’Ospidal d’Engiadina Bassa
FreundInnen & Freunde des Ospidal d’Engiadina Bassa
7550 Scuol

IBAN: CH28 0077 4110 4125 1500 0

Copchar la colliaziun i'l archiv provisoric. Copchà!

Activitats – progets sustgnüts

Pro’ls progets realisats cun success appartegnan tanter oter:

  • Cofinanziaziun dal proget da teater ARTABANA.
  • Cofinanziaziun da l’ambulanza da giovarets pel üert da sandà.
  • Ingaschamaint per la votaziun davart il fabricat nouv dal tract d’operaziuns e la renovaziun da la plazza d’atterrar per elicopters.
  • Sustegn per indrizzar üna pratcha ginecologica a l’ospidal.
  • Ingaschamaint per s-chaffir üna partiziun per medicina cumplementara e chüra palliativa.
  • Organisaziun da referats publics cun exponents importants dal sectur da la sandà.
  • Equipamaint d’ün chantun da giovar per uffants illas stanzas d’aspet da la staziun d’urgenza e dal nouv tract d’operaziuns.
  • Sustegn pel proget: Iglüminaziun tamprada illa stanza da parturir «buna glüm per mamma ed uffant».
  • Sairada d’inscunter e da concert culs „Fränzlis da Tschlin“.
  • Preschentscha al giubileum da 100 ons da l’ospidal.
  • Cofinanziaziun d’arrandschamaints da persunal.
  • Contribuziuns per perfecziunamaints.
Copchar la colliaziun i'l archiv provisoric. Copchà!

Commembranza

La società “Amias & Amis da l’Ospidal d’Engiadina Bassa” spordscha diversas fuormas da commembranza resp. da partecipaziun finanziala:

  • commember singul, CHF 50.00, contribuziun annuala
  • pêrs, CHF 75.00, contribuziun annuala
  • fautur/-a, a partir da CHF 200.00, contribuziun annuala (fixaziun autonoma da l’import)
  • commember passiv, CHF 20.00, contribuziun annuala
  • cponsur/-a, contribuziun d’üna jada in che otezza chi saja a partir da CHF 1’000.00;

Davo avair surgnü Sia decleraziun d’entrada Tilla/Til tramettain nus ils statüts da la società ed ün vagl da pajamaint. Sco comember o commembra da la società nu surpiglia Ella/El ultra dal pajamaint da la contribuziun annuala ingüns oters obligs. La decleraziun d’entrada po Ella/El simplamaing s chargiar giò o postar pro duonna Seraina Bickel,
presidenta, telefon 081 862 20 60.

Trametter a:

Amias & Amis da l’Ospidal d’Engiadina Bassa
FreundInnen & Freunde des OEB
Via da l’Ospidal 280
7550 Scuol

Chi chi voul far üna donaziun a la società resguarda il conto:

Banca Chantunala Grischuna, 7002 Cuoira
Amias & Amis da l’Ospidal d’Engiadina Bassa
FreundInnen & Freunde des Ospidal d’Engiadina Bassa
7550 Scuol

IBAN CH28 0077 4110 4125 1500 0

 

Allegra | Fa alch bun e dvainta commember
a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147