Gruppa da cours Engiadinaisa
Via da l’Ospidal 280
7550 Scuol

Tel. +41 81 861 10 33
medizin@cseb.ch

Copchar la colliaziun i'l archiv provisoric. Copchà!

Cordial bainvgnü pro la Gruppa da cours Engiadinaisa

Ils böts principals da la società chi’d es gnüda fundada l’on 2000 sun da promouver la prevenziun cardiovasculara e da reabilitar a paziaints cun malatias cardiovascularas illa regiun d’Engiadina Bassa.

La Gruppa da cours Engiadinaisa spordscha a paziaints cun facturs da ris ch cardials (p.ex. cun üna pressiun dal sang ota e colesterin o cun surpais), davo ün infarct dal cour, davo operaziuns per cateters cardiologics o operaziuns dal cour, cun insufficienza dal cour ed eir a paziaints davo ün cuolp dal tscharvè o cun otras malatias vascularas (p.ex. stretnidas da las arterias da las chommas) ün trenamaint cardiovascular regular adattà individualmaing ed organisescha periodicamaing divers arrandschamaints d’infuormaziun davart aspets importants d’ün möd da viver chi’d es san pel sistem cardiovascular. Ün böt important es eir il barat vicendaivel e’l contact persunal illa gruppa da cours stessa. Suvent esa plü simpel dad esser insembel corporalmaing activ.

Sch’Ella/El svess less as partecipar a las activitats da la gruppa da cours o sustegner quista finanzialmaing, lura es Ella/El cordialmaing bainvgnü/-da da dvantar commember/-bra da nossa società. Infuormaziuns plü detagliadas survain Ella/El pro’l secretariat da la società da duonna Claudia Crastan o dal president da la società Gian Flury (guarda contacts).

Copchar la colliaziun i'l archiv provisoric. Copchà!

Suprastanza e caricas

  • Gian Flury (president)
  • Elke Cloet (terapeuta dal cour)
  • Marianne Koppenberg (terapeuta dal cour)
  • Renate Mietrup (terapeuta dal cour)
  • Claudia Crastan (secretariat)
  • Flavia Kienz (chaschiera)
  • Linard Neuhäusler (revisur)
Copchar la colliaziun i'l archiv provisoric. Copchà!

Relaziun bancara

Banca Raiffeisen, Engiadina Val Müstair, 7530 Zernez
Gruppa da cours Engiadinaisa

IBAN: CH87 8114 4000 0301 9917 8

Copchar la colliaziun i'l archiv provisoric. Copchà!

Per chi es la Gruppa da cours Engiadinaisa – e che fa’la?

Illa gruppa da cours s’inscuntran paziaintas e paziaints cun malatias cardiovascularas, per exaimpel davo ün infarct dal cour, cuolp dal tscharvè, operaziun da la clappa dal cour, cun disturbis dal ritmus dal cour, pressiun dal sang ota e.o.p. Üna jada l’eivna mainan fisioterapeutas cun üna scolaziun speciala (uschè nomnadas terapeutas dal cour) ün program da movimaint illa sala da gimnastica da la fisioterapia da l’ospidal. Ellas fan tuot il pussibel ch’Ella/El possa s’acquistar o amegldrar darcheu Sia abiltà da prestaziun corporala. La gruppa da cours nu promouva però be la fitness e la sandà corporala, dimpersè güda eir cha l’orma tegna l’equiliber. Suvent as sviluppan uschè contacts prezius davart las activitats da la gruppa da cours.

Ultra dal program da movimaint survain Ella/El illa gruppa da cours ulteriuras intimaziuns per ün stil da viver cun ün cour san:

  • Viver sainza fümar
    Sch’Ella/El desista da fümar, nu redüa Ella/El be il ris-ch d’üna malatia cardiovasculara, mo eir quel d’ün disturbi da la circulaziun dal sang da las arterias illas chommas, d’ün cuolp dal tscharvè, d’üna bronchita cronica o d’ün cancar dals pulmuns.
  • Mangiar per ün cour san
    Ün nudrimaint per ün cour san ha tuot in tuot ün effet positiv sün Sia sandà e Tilla/Til güda a tgnair suot controlla Seis pais dal corp, il zücher dal sang, la pressiun dal sang e’ls grass aint il sang.
  • Detensiun per corp ed orma
    L’imprender metodas da detensiun Tilla/Til spordscha üna pussibiltà preziusa per gnir a tapin cun squitsch psichic e stress.

Avantags da la gruppa da cours

Fit ed in fuorma cun as mouver
Grazcha ad ün program sco fat aposta per Ella/El trenescha Ella/El sainza squitsch da prestaziun. Cun gimnastica e trenamaint da las musclas augmainta Ella/El Sia fitness e fa cha Sia muscla dal cour resta plü resistenta. Actività corporala regulara amegldrescha la funcziun da la circulaziun pro persunas cun ün cour san mo eir malsan. Sch’Ella/El es trenà bain, lura sto Seis cour lavurar damain per üna tscherta prestaziun corporala. Movimaint es la clav per ün stil da viver san ed ha ün effet positiv sün Seis bainesser mental.

Sgürezza grazcha a l’assistenza cumpetenta
Ella/El vain trenà/-ada da glieud da professiun da la reabilitaziun cardiala. Quai Tilla/Til dà sgürezza e fiduzcha. Ultra da quai vain Ella/El lapro sustgnü/-üda optimalmaing in reguard als facturs da ris-ch cardiovasculars existents ed uschè amegldrar Sia qualità da viver.

Barat d’experienzas e motivaziun grazcha a la gruppa
Il barat e’l contact vicendaivel illa gruppa Tilla/Til güda a gnir a tapin cun Sia malatia ed a chattar la via inavo in Seis minchadi. Als plü blers umans vaja plü facil da restar activs in üna gruppa e da far alch per Lur sandà impè da stuvair far tuot svess e sulet.

Bain infuormà grazcha a sclerimaint e cussagliaziun
Plü bler ch’Ella/El sa davart la funcziun da Seis cour e plü bain Tilla/Til reuschirà quai da gnir a frida cun temmas e da tour per mans intenziunadamaing müdamaints necessaris da Seis stil da viver.

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147