Cas d'urgenza
Copchar la colliaziun i'l archiv provisoric. Copchà!

Chüra integrativa

Tuot quai chi viva douvra chüra!

Mincha persuna sana chüra a sai stess e pissera per seis corp. Sch’inchün nu po plü far quai per sai svess, lura vain pro la chüra professiunala. La chüra integrativa cumbina masüras da chüra normalas ed antroposoficas.

Dürant il sogiuorn vegnan accumpagnats ils paziaints da persunas chi sun respunsablas per la chüra e scoladas illa medicina cumplementara. Tuot tenor bsögn da chüra e tuot tenor l’andamaint da guarischun daja üna chüra individuala chi vain adattada curraintamaing. Ils paziaints vegnan infuormats davart las diversas applicaziuns da chüra, uschè ch’els tillas pon manar inavant independentamaing a chasa. Per consequenza vain sustgnü il process da convalescenza positivamaing da qua inavant eir davo il sogiuorn.

L’incletta antroposofica per la natüra e’ls umans spordscha pussibiltats d’applichar, da maniera intenziunada, las forzas curativas d’ün mineral o d’üna planta. Da quai s’han sviluppadas per la chüra antroposifica las uschedittas “applicaziuns externas”.

cseb-20170307-3245-3000px

Faschas e cumpressas

Faschas e cumpressas vegnan descrittas illa litteratura specialisada per medicina sco üna da las plü veglias terapias cun medicina natürala chi portan surleivg e sustegnan la guarischun. La metoda d’effet as basa sün plüs facturs. I’s tratta d’üna cumbinaziun cumplexa d’effets da chod e fraid in colliaziun cun ümidità, sco eir d’ün effet specific da substanzas.

Faschas e cumpressas fan part dals trattamaints ils plü importants da la medicina cumplementara ed appartegnan pro la chüra antroposifica.

I sun quai:

  • faschas da gnirom cun pulè d’signur
  • faschas da pan cuc (oxalis)
  • faschas da ranuogl cun zens
  • clappas dal cour aurum-lavandula
  • e bleras otras plü

Erbas e tes dad erbas

Tè es üna veglia masdina tradiziunala. Tuot tenor indicaziun vegnan racumandadas erbas in fuorma da tè per applichar a l’interiur ed a l’exteriur. I’l piertan da la partiziun sta a disposiziun üna bar da tè.

Chüra cun aromas

Prodots per la chüra cun aromas vegnan tschernüts confuorm als bsögns individuals ed dovrats intenziunadamaing. Els vegnan applichats illa chüra da la pel, per parfümar ils locals e pro bogns. Prodots da chüra cun aromas promouvan il bainesser general.

 

Daplü da la medicina integrativa

Daplü da la terapia psicoterapeutica

Daplü da las terapias cumplementaras

Daplü dad otras metodas terapeuticas

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147