Copchar la colliaziun i'l archiv provisoric. Copchà!

Terapias cumplementaras

Il Center da sandà Engiadina Bassa (CSEB) spordscha üna vasta paletta da metodas da la terapia cumplementara, da l’euritmia curativa sur la art-terapia fin pro’l bogn a dispersiun d’öli.

Copchar la colliaziun i'l archiv provisoric. Copchà!

Euritmia curativa

L’euritmia curativa es üna terapia da’s mouver cumplessiva da la medicina antroposofica. Ella as drizza a la persuna sco persunalità autonoma e scolescha si’attenziun interna. Ils vocals e consonants da la lingua vegnan transfuormats in movimaints chi’d han ün effet fisiologic-terapeutic. Els vegnan exercitats tenor ordinaziun e mera terapeutica cul paziaint confuorm al stadi da malatia. Lapro pon eir gnir dovrats ritems e tuns. L’euritmia curativa ha ün effet creativ sün process corporals, mentals e spiertals. Las funcziuns vitalas vegnan examinadas, reguladas ed armonisadas, il sistem d’immunità e las forzas autocurativas vegnan inamidats.

Adattà:

  • per mincha situaziun da vita
  • per situaziuns da vita pesantas
  • per stadis da stanglantüm e temma
  • per dolurs e malatias cronicas
  • sco profilaxa
  • per la pedagogia curativa
  • per inamidar il sentimaint dal corp

Massascha aiurvedica

La massascha aiurvedica appartegna ad ün dals plü vegls sistems medicinals. Öli specific chod vain strichà oura e struschà aint culs mans, quai s-choda ed equilibrescha.

Adattà:

  • per il provedimaint da sandà
  • per la secreziun e dischintoxicaziun
  • in cas da stanglantüm
  • in cas da crisas da viver, davo evenimaints traumatics
  • in cas da stendüdas e malatias dal sistem motoric
  • in cas da dolurs cronicas
  • in cas da mals organics
  • per l’oncologia
  • per la pedagogia curativa
NIK_5563

Massascha tenor Pressel

La massascha tenor Pressel es eir cuntschainta sco massascha da flussiun. Il meidi dr. Simeon Pressel tilla ha sviluppada in basa a la medicina antroposofica. I’s müdan giò massaschas da las chommas e da la crusch cun massaschas da la rain. Il center da l’uman vain inamidà. Per finir vegnan missas vantusas sün las regiuns dal corp massà. Cun quai po gnir ragiunt amo plü profuond ün effet ed üna detensiun.

Adattà in cas da:

  • mal la rain, mal il cheu e migrena
  • lassezza e stanglantüm, apatia
  • mal da menstruaziun (PMS)
  • malatias dal metabolissem e da la via respiratorica
  • problems da sön
  • fibromialgia
  • iperactività

Fricziun ritmica da tuot il corp

Las fricziuns ritmicas ha sviluppà la doctoressa Ita Wegman illa prüma mità dal 20avel tschientiner sün fundamaint da la medicina antroposofica in connex cun la massascha ritmica. Üna fricziun ritmica as distingua tras üna intensità da contact fich precauta, pro la quala il man da la persuna da fricziun tratta il corp cun movimaints da charezza ritmics, pelplü circulants.

Fuormas specialas da las fricziuns ritmicas sun la fricziun da la splemgia, dal gnirom, dal cour, da la vaschia, dal plexus solar e la fricziun da pentagram. Il trattamaint chaschunescha ün sustegn da la funcziun specifica dals organs.

Las fricziuns ritmicas creeschan ün’egualisaziun tanter üna tendenza a la fuorma o üna tendenza a la decumposiziun massa ferma. Las forzas vitalas vegnan inamidadas.

Adattà:

  • psicosomatica da tuot las etats
  • oncologia
  • stanglantüm, crisas da viver e davo evenimaints traumatics
  • dolurs cronicas
  • per la prevenziun da sandà
2020_10_CCU_krebstherapie_©MAYKWENDT_26_klein

Shiatsu

Shiatsu deriva dal Giapun e significha “schmach cul daint”. La fuorma da terapia es fixada illa filosofia e l’igiena tradiziunala da l’ost e’s basa tanter oter sül trattamaint dals chanals d’energia (meridians), i’ls quals cula energia vitala (Ki). Cun ün schmach liger sco eir stendüdas e rotaziuns stimulescha shiatsu las forzas autocurativas ed egualisescha la flussiun energetica aint il corp. Shiatsu güda ad amegldrar l’aigna percepziun, a chattar la calma, a’s regenerar, a tancar energia ed a chattar danövmaing l’equiliber natüral.

Adattà in cas da:

  • disturbis da la sön, as dasdar dandettamaing da not, problems da s’indurmanzar
  • lassezza e stanglantüm
  • burnout
  • stendüdas muscularas
  • mal il cheu
  • problems da la circulaziun
  • indigestiuns
  • deblezza d’infecziuns, sistem d’immunità debel
  • nervusità ed inquietezza

Terapia craniosacrala

La terapia craniosacrala es üna metoda da trattamaint cumplessiva chi lavura sur ün contact premurus vi dal corp vesti cun las forzas subtilas, immanentas a la biodinamica. Quista terapia corporala sustegna quai chi’d es san, las forzas autocurativas e’l center da l’uman, ha ün effet schlockiant profuond, regenerant e vitalisant. L’abiltà d’autoregulaziun natürala vain promovüda e’l stadi da l’equiliber intern inamidà.

Adattà:

  • in cas da dolurs, tensiuns e lassezza
  • davo evenimaints ed accidaints traumatics
  • davo il trattamaint posteriur d’operaziuns, trauma da collisiun e da catapult
  • in cas da perditas e malatias neurologicas
  • in cas da disturbis dal sön, stanglantüm ed inquietezza
  • in cas da disturbis da la gianoscha, tinnitus e stress
  • in cas d’indigestiuns e difficultats da respirar
  • in cas da process da müdamaint persunals e situaziuns da viver/crisas da viver
  • ill’oncologia, reconvalescenza ed accumpognamaint da chemoterapias e d’irradiaziun
  • pel rinforz dal sistem d’immunità ed il bainesser general

Massascha cun meil

La massascha cun meil es üna veglischma terapia cumplessiva cun medicina natürala d’origen russ e tibetan-chinais. Hoz es ella üna fuorma da terapia in connex cun la apiterapia, dimena cun prodots d’aviöls. L’abiltà da dischintoxicaziun dal corp vain amegldrada, il sistem d’immunità e las forzas autocurativas vegnan inamidats. Las activitats dals organs vegnan stimuladas ed armonisadas. La musculatura vain schlockiada e l’organissem provist cun numerus vitamins, enzims e substanzas mineralas.

Adattà:

  • per la secreziun e dischintoxicaziun (eir illa terapia dal cancar)
  • pel sustegn in cas da curas da gegünar
  • pel rinforz dal sistem d’immunità e da las forzas curativas
  • in cas da stadis da deblezza, da lassezza e da temma
  • in cas da dolurs e malatias cronicas
  • in cas da malatias reumaticas da las musclas e lisüras, artrosa

Art-terapia

Illa art-terapia vegnan applichadas terapeuticamaing intenziunà tecnicas da pitturar, disegnar e plastifichar. Culurs, fuormas, glüm e sumbriva sun perceptiblas. Il paziaint es lapro svess activ. El po percepir a sai stess darcheu sco ün esser fuormativ e creativ e scuvrir seis potenzials sans. Lapro vain schlockià e s-chodà bain l’organissem. Cun la percepziun activa vain promovü e stabilisà l’equiliber corporal e mental-spiertal. Las forzas autocurativas vegnan stimuladas e sustgnüdas.

Adattà:

  • in cas da lassezza, burnout
  • in crisas da viver, in cas da stadis da temma, depressiun
  • in cas da disturbis d’obsessiun e da mangiar
  • in cas da malatias dal sistem da las nervas, dal metabolissem e malatias cardiovascularas
  • ill’oncologia
  • illa pedagogia curativa
Copchar la colliaziun i'l archiv provisoric. Copchà!

Bogn a dispersiun d’öli

Il bogn a dispersiun d’öli es gnü sviluppà da Werner Junge e vain applichà illa medicina antroposofica sco fuorma da terapia speciala. Las persunas sun proverbialmaing “plajadas aint” in aua, chod ed öli. Uschè po as fuormar üna cuverta da chalur nüzzaivla chi sustegna il process da guarischun. Persunas chi sun lassas e passas o cha l’organisaziun da chalur da lur agen corp es disturbada, o chi douvran üna stimulaziun da lur metabolissem, profitan specialmaing da quai. L’organissem da chalur vain dürablamaing normalisà ed inamidà, la respiraziun e la circulaziun vegnan armonisadas, il sön vain amegldrà, il sistem d’immunità e las forzas autocurativas vegnan inamidats. Üna part terapeutica importanta dal bogn a dispersiun d’öli es il temp da pos davopro.

Adattà:

  • in cas da disturbis dal sön
  • in cas da stadis da lassezza
  • in cas da deblezzas digestivas
  • in cas da mals reumatics
  • in cas da mals organics
  • in cas da dolurs cronicas
  • in cas da neuralgia
  • in cas da neuropatia
  • ill’oncologia
a la pagina-web dal CSEB
Schliessen

Notfall 144

Unter folgenden Nummern erreichen Sie den hausärztlichen Notfalldienst rund um die Uhr:

  • 081 864 12 12 für die Region Scuol
  • 081 856 12 15 für die Region Zernez
  • 081 861 81 11 für die Region Samnaun

Unter der Nummer 081 861 10 00 erreichen Sie rund um die Uhr die Notfallstation des Ospidal.

Den nächsten AED-Standort im Unterengadin finden Sie auf unserer Übersicht.

REGA1414
Tox-Info145
Polizei117
Feuerwehr118
Dargebotene Hand143
Strassenzustand163
Lawinenbulletin187
Jugendnotruf147