Cas d'urgenza
Copchar la colliaziun i'l archiv provisoric. Copchà!

Ulteriuras metodas da terapia

Mens sana in corpore sano – quist möd da dir latin significha “ün spiert san viva in ün corp san”. Il Center da sandà Engiadina Bassa spordscha diversas metodas da terapia per accordar darcheu il corp e’l spiert.

farn

Terapias basadas sün la natüra

Dad integrar la natüra i’l process terapeutic es ün impissamaint fundamental dal concept da trattamaint a Scuol. Il team da la medicina integrativa animescha da’s colliar cun la natüra e da’s sentir darcheu sco üna part da l’inter.

Ils paziaints vegnan familiarisats culs ritems natürals, intercuorran lur aigna relaziun cun la natüra ed activeschan o scuvrischan cun quai resursas preziusas chi sun zoppadas in els.

L’inscunter approfundi e consciaint cun la natüra po dvantar üna cumplettaziun da terapia preziusa in cas da depressiuns da stanglantüm, disregulaziun vegetativa, disturbis dal sön, mo eir illa terapia dal cancar.

Applichats vegnan tanter oter:

  • terapia da bogn aint il god, exercizis d’attenziun aint il god
  • gitas a las erbas medicinalas
  • instrucziun per far tes dad erbas
  • exercizis da Kneipp pro ün torrent
  • contemplaziun da fö suot tschêl avert
  • euritmia curativa, art-terapia ed exercizis d’attenziun in lös da forza
  • visita d’üna pauraria chi vain manada da möd biologic-dinamic
  • gita attentiva pro las funtanas mineralas

Metodas da detensiun

Squitsch e stress psichic giouvan üna rolla essenziala in cas da disturbis psicovegetativs.

Pro quists appartegnan per exaimpel mals nervus i’l tract digestiv, mal il cheu da tensiun. Metodas da detensiun sun ligermaing d’imprender e d’integrar i’l minchadi. Ellas contribuischan a la guarischun mo eir a la prevenziun da mals psicovegetativs e güdan a l’uman ad influenzar positivamaing il svilup da la malatia.

  • trenamaint autogen illa gruppa AT
  • relaxaziun da las musclas progressiva tenor Jacobson PMR
  • superar stress tras attenziun (Mindfulness Based Stress Reduction MBSR)

Cronoterapia e fototerapia

Depressiun e stanglantüm van suvent insembel cun disturbis dal ritmus da sön/svaglià. La cronobiologia s’occupa da la perscrutaziun e da terapias dal ritmus circadian da l’uman.

La fototerapia cun lampas da glüm dal di (10’000 lux) vain accordada individualmaing sco trattamaint supplementar da depressiuns ed otras malatias psichicas. Ella vain eir applichada in cas da disregulaziun e disturbis dal sön. La fototerapia es adattada fich bain per l’autotrattamaint a chasa per prevgnir a recidivas.

La terapia cumpiglia il sclerimaint dal paziaint davart il ritmus da sön/svaglià sco eir da l’igiena dal sön. Ultra da quai vegnan applichadas lampas da terapia cun glüm dal di e medicamaints regulativs. Cun agüd da questiunaris vain erui il bioritmus individual e la terapia concepida correspundentamaing.

Nus exeguin scha pussibel bleras spüertas da terapia our il liber e quai da tuottas oras.

Impè da la fototerapia pon servir spassegiadas regularas la daman illa glüm natürala.

Copchar la colliaziun i'l archiv provisoric. Copchà!

Masüras dieteticas / cussagliaziun da nudrimaint

Cun schüs biologics e vivondas biologicas vegnan sustgnüdas la defaisa immunitara e las forzas autocurativas.

Suvent daja dürant la malatia ün’alimentaziun manglusa, mancanza d’appetit e disturbis digestivs. In da quists cas pon accumpagnar, in möd radschunaivel, la tscherna da la nudritüra ed üna cussagliaziun da nudrimaint l’andamaint da guarischun. Racumandaziuns individualas chi resguardan la malatia respectiva dà la cusgliadra da nudrimaint in ün discuors persunal.

Il plan da terapia vain miss insembel individualmaing tenor ils bsögns medicinals respectivs. Uschè po schligerir üna ligera nudritüra cumpletta la digestiun o, in cas d’ün’alimentaziun manglusa, güda üna nudritüra concentrada. Per mincha fuorma da nudritüra sta a disposiziun üna spüerta da standard. Il menü vegetaric s’orientescha per part a las directivas d’üna nudritüra integrala. Tuot ils menüs vegnan cuschinats cun ingredienzas frais-chas.

Daplü davart la medicina integrativa

Daplü davart la psicoterapia integrativa

Daplü davart la chüra integrativa

Daplü davart terapias cumplementaras

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 822 12 00 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147