Cas d'urgenza
cseb-spitex-mahlzeitendienst-1
Sia persuna da contact
Pless Gabriela

Gabriela Pless

manadra servezzan da chüra
gestiuns decentralas | Scuol - Samignun - Zernez

Copchar la colliaziun i'l archiv provisoric. Copchà!

Spitex

Usche lönch sco pussibel ed uschè autonom sco pussibel da pudair star a chasa – quist giavüsch pussibiltescha e promouva la Spitex Engiadina Bassa.

Ella spordscha servezzans per persunas da tuot las gruppas d’età chi han dabsögn da chüra ed assistenza o accumpognamaint social. La Spitex spordscha eir la cussagliaziun in cas da situaziuns cumplexas da chüra e d’assistenza o ün’instrucziun per confamiliars chi praistan lavur da chüra.

Spitex – agüd direct a chasa

In cas da malatias corporalas e psichicas, in cas da mals da vegldüm, davo accidaints, davo üna naschentscha o oters impedimaints po la Spitex gnir clomada. Tenor il princip “Mantegnimaint e promoziun da l’autonomia dal cliaint” praista il team da Spitex agüd e chüra a chasa. Decisivs sun la necessità (ordinaziun dal meidi) ed il bsögn scleri. L’ambiaint privat vain scha mâ pussibel integrà i’l agüd ed illa chüra.

L’assistenza e l’accumpognamaint social da la Spitex i’l minchadi pussibiltescha al cliaint üna vita activa e tant sco pussibel autonoma. Ils collavuraturs sustegnan a persunas chi han dabsögn d’assistenza cun spassegiadas accumpagnadas, far las cumischiuns, visitas da controlla o otras activitats.

Sch’ün dals genituors chi praista lavur d’assistenza manca pervi da malatia o accidaint, spordscha la Spitex eir sustegn pro la survaglianza dals uffants.

Copchar la colliaziun i'l archiv provisoric. Copchà!

Chüra ambulanta

In üna regiun perifera es il provedimaint social ün elemaint important chi permetta cha la società possa funcziunar. In Engiadina Bassa garantischan var 25 collavuraturs las prestaziuns da la Spitex.

Persunal da chüra specialisà chüra e sustegna a persunas da mincha età a chasa. Ils collavuraturs praistan tuot ils servezzans da chüra chi sun ordinats dal meidi e recugnuschüts da las chaschas d’amalats.

Pro quai appartegnan tanter oter il sustegn pro l’igiena o exercizis da movimaint. Agüd pro’l trar aint e trar oura sun servezzans eguals sco il trattamaint e la chüra, il trattamaint da plajas e l’accumpognamaint in cas da mort. Eir medicamaints, squittas ed infusiuns dà il persunal da chüra.

La collavuraziun stretta culs confamiliars, cun otras instituziuns socialas, cun meidis ed agüdants voluntaris es la basa per üna buna rait sociala dals cliaints.

Copchar la colliaziun i'l archiv provisoric. Copchà!

Examinaziun e cussagliaziun

Che servezzans da chüra e/o d’agüd douvra üna persuna? Quista dumonda sclerischa üna persuna specialisada, quai avant cha’l cliaint vain admiss. L’infuormaziun davart tuot las spüertas localas e servezzans illa regiun appartegna medemmamaing pro’ls servezzans. Integrats vegnan mincha jada eir ils confamiliars.

L’examinaziun dal bsögn per prestaziuns da chüra es prescritta tenor la ledscha e recugnuschüda da las chaschas. La Spitex eruischa il bsögn da chüra e d’assistenza cun agüd da l’instrumaint d’examinaziun RAI-Home-Care (Resident Assessment Instrument)

Cussagliaziuns han lö:

  • in cas da dumondas chi concernan la chüra
  • in cas da situaziuns cumplexas da chüra e d’assistenza
  • per l’instrucziun da confamiliars e persunas da referimaint
  • per la promoziun da la sandà e la prevenziun
  • per coordinar ils servezzans cun oters partenaris
Copchar la colliaziun i'l archiv provisoric. Copchà!

Chüra psichiatrica ambulanta

La Spitex chüra a persunas cun malatias psichicas a chasa. Quai succeda in collavuraziun culs Servezzans psichiatrics dal Grischun.

Pro la spüerta appartegnan:

  • cussagliaziun ed infuormaziun dals cliaints e confamiliars
  • custegn per superar il minchadi e situaziuns da crisa
  • assistenza posteriura davo ün sogiuorn in üna clinica
Copchar la colliaziun i'l archiv provisoric. Copchà!

Chüra palliativa

Eir persunas chi sun incurablas o muribundas dessan pudair restar a chasa uschè lönch sco pussibel e quai cun la megldra qualità da viver pussibla. Il böt da la chüra palliativa es da tillas pussibiltar üna vita sainza simptoms, cun dignità ed autodeterminada fin a lur mort.

La Spitex pussibiltescha:

  • chüra ed accumpognamaint da ferm amalats e muribunds
  • trattamaint da simptoms medicinal in collavuraziun cul meidi da chasa
  • coordinaziun cun las persunas chi sun partecipadas vi da la chüra ed assistenza
  • collavuraziun stretta cul meidi da chasa, cun la staziun palliativa da l’ospidal, cul servezzan da chüra palliativa, cun la società TECUM – “Accumpognamaint da ferm amalats e muribunds” ed ulteriurs partenaris
Copchar la colliaziun i'l archiv provisoric. Copchà!

Servezzan da pasts

Mangiar bain e san significha qualità da viver. Sch’Ella/El nun es plü bun/a da cuschinar svess, lura po Ella/El far gnir il servezzan da pasts pro sai a chasa. Dal bainesser corporal s’occuppan la spitex, la cuschina dal Center da sandà e las manisunzas e’ls manisunzs dal servezzan da pasts.

Copchar la colliaziun i'l archiv provisoric. Copchà!

Annunzcha – persunalmaing, per telefon o online

Persunalmaing
Center da sandà Engiadina Bassa
SPITEX
Via dals Bogns 323
7550 Scuol

Telefon: +41 81 861 26 26
E-mail: spitex@cseb.ch

Il telefon da nos secretariat es in funcziun adüna da lündeschdi fin venderdi da las 08.30 fin a las 11.30 e da las 15.00 fin a las 17.00.

Per telefon sur il post da Spitex naziunal
Telefon: 0842 80 40 20

Annunzcha online per paziaints
OPAN® es ün sistem d’annunzcha online per paziaints, cul qual l’ANNUNZCHA po gnir transmissa sün via svelta e sgüra a l’organisaziun da Spitex respunsabla cun ün’incumbenza d’assistenza. El es disponibel da tuottas uras, economic, cuntegna ün’ota qualità da las datas ed il transfer sgür da las datas.

A l’annunzcha online per paziaints

Copchar la colliaziun i'l archiv provisoric. Copchà!

Temps d’ingaschamaint

Ingaschamaints da chüra
Lündeschdi fin dumengia 07.00–23.00

Economia da chasa
Lündeschdi fin venderdi 07.00–18.00

Servezzan da pasts
365 dis/on

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147