Savair interdisciplinar

Malatias dal cour, mal dals pulmuns, tumors – la medicina interna es ün vast sectur special. Perquai lavuran ils meidis specialists da la medicina interna, chi resguardan svess diversas specialitats, strettamaing insembel cun otras disciplinas in chasa sco eir cun meidis consiliars e’ls meidis da chasa. La chadaina s’indainta da maniera perfetta. Ün provedimaint medicinal optimal es uschè garanti da tuottas uras – eir in cas d’urgenza.

Staziun da survaglianza (Chüra intermediara – Intermediate Care IMC)

IMC serva a la survaglianza intensiva da las funcziuns vitalas pro’l trattamaint da paziaintas e paziaints cun malatias chi mettan in privel la vita sco infarcts dal cour, cuolps da tscharvè, disturbis dal ritmus dal cour, infecziuns greivas, perditas da sang internas sco eir insufficienza da respirar e dal cour.

Cardiologia e angiologia

La cardiologia s’occupa da malatias dal cour, l’angiologia da malatias vascularas. La spüerta a l’ospidal cumpiglia:

• ECG electrocardiogram da pos e davo ün liger sforz corporal (velo, bindè da cuorrer)
• ecocardiografia culur-duplex in stadi da pos e da sforz (resonanza da stress)
• ECG a lunga dürada, ECG activabel dal paziaint davo ün sforz plü grond
• masüraziun da la circulaziun dal sang dürant 24 uras
• examinaziun d’inclinaziun
• controllas da stimuladers dal cour e da defribillaturs interns (ICD)
• electroconversiun in narcosa cuorta in cas da fibrillaziun atrala
• masüraziun da la pressiun d’oclusiun da las arterias dals ravels ed oscillografia dal puls
• sonografia culur-duplex da las arterias ed avainas
• ambulatori per plajas tschertifichà da SAfW

Pneumologia

La pneumologia s’occupa da mals pulmunaris. La spüerta cumpiglia:

• masüraziuns da la funcziun dal pulmun (incl. bodypletismonografia)
• test da provocaziun bronchiala (test a la metacolina)
• gasometria arteriala dal sang
• poligrafia e pulsoximetria respiratorica
• bronchoscopia (gastroscopia dals pulmuns)
• sonografia dal torax

Medicina manuala

La medicina manuala es üna metoda da diagnosa e trattamaint in cas da disturbis da la funcziun da la motorica dal corp. Manipulaziuns intenziunadas surleivgian las dolurs. Proceduras manualterapeuticas sun fich efficazias in cas da mals da la rain, da las lisüras e da las musclas.

• ura da consultaziun pro ün meidi specialist cun attest da qualificaziun da la Società svizra da medicina manuala (SAMM)

Endocrinologia e nudrimaint

Diagnostica, cussagliaziun e trattamaint da disturbis dal metabolissem, specialmaing da diabeta ed alimentaziun sbagliada.

• ura da consultaziun da diabeta telemedicinala in collavuraziun cun l’endocrinologia e diabetologia da l’ospidal chantunal GR
• cussagliaziun in dumondas da diabeta
• cussagliaziun in dumondas da nudrimaint

Neurologia

Trattamaint da malatias dal sistem da la nerva, specialmaing dal cuolp da tscharvè acut.

• collavuraziun telemedicinala cun la clinica neurologica da l’ospidal chantunal San Galla (center per cuolps da tscharvè da la Svizra da l’Ost)

Gastroenterologia

La gastroenterologia cumpiglia tuot las malatias dals organs da digestiun, da stomi e böglia, dal gnirom, da la vaschia dal feil e seis chanals sco eir da la salivera dal vainter.

Nus vain las seguaintas sportas:

• uras da consultaziun
• examinaziun da stomi (ösofago-gastro-duodenoscopia)
• examinaziun da la böglia (coloscopia)
• reducziun da polips
• stalivaziun dal sang / ligatura da varizas
• injecziuns da botox
• examinaziun ad ultrasun incl. puncziuns (sonografia)
• biopsia dal gnirom
• puncziun da l’ascita diagnostica e terapeutica

Program «Prevenziun da böglia Grischun»
Per incumbenza da la regenza dal chantun Grischun realisescha la Lia grischuna cunter il cancar il program «Prevenziun da böglia Grischun». Prof. Walter es gnü accredità per quist program da la Lia grischuna cunter il cancar.
Lapro sun tuot las persunas cun domicil i’l chantun Grischun ill’età da 50 fin 69 ons sainza facturs da ris-ch deliberats da la franschisa.
Per la prevenziun dal cancar da la böglia as poja s’annunzchar pro’l meidi da famiglia, pro nus a l’ospidal o direct pro la Lia Grischuna cunter il cancar. Per ulteriuras infuormaziuns pon Ellas/Els visitar vorsorge-gr.ch.