Servezzans da cussagliaziun & consiliars
La spüerta da prestaziuns da l’ospidal cumpiglia ultra dal provedimaint d’urgenza divers servezzans da cussagliaziun e consiliars.
La collavuraziun cun specialists externs pussibiltescha servezzans medicinals fich recugnuschüts. Ils meidis consiliars sun in intervals regulars in chasa e resguardan i’ls secturs seguaints:
- medicina dals ögls
- dermatologia
- gastroenterologia
- oncologia
- ORL (culöz-nas-uraglias)
- pediatria/neuropediatria
- psichiatria
- radiologia
- urologia
Ulteriurs servezzans da cussagliaziun e consiliars:
- post da cussagliaziun da la lia grischuna cunter il cancar
- cussagliaziun da nudrimaint
- cussagliaziun davart la diabeta
- Management da plajas
- cussagliaziun psicooncologica
- art-terapia
- servezzan social
- Società Avegnir
Cussagliaziun da nudrimaint
Mangiar, as muantar, schlockiar es la basa dal bainesser e da la sandà. It Vossa aigna via e nu farai davo a tschella glieud, perquai cha mincha uman ha seis nudrimaint san.
A l’Ospidal es la cusgliadra da nudrimaint diplomada HF, Suzanne Reber , preschainta il lündeschdi a bunura e la gövgia davomezdi. Ella tratta paziaints staziunaris ma eir paziaints ambulants.
Suzanne Reber es Vossa persuna da referimaint cumpetenta cur chi va per dumondas da nudrimaint. Ella cussaglia a persunas singulas sco eir a gruppas e quai in tuot las dumondas da nudrimaint. Chi’s tratta da redüer il pais, da trattar mals da digestiun o dad adattar il nudrimaint individual in cas da malatia. Lapro metta la cusgliadra da nudrimaint pais sün ün discuors individual integrond la situaziun actuala.
La sgüranza fundamentala da la chascha d’amalats surpiglia lasseguaintas prestaziuns:
- Malatias da metabolissem (p.ex. diabetes)
- Adipositas da creschüts (Index da Body-Mass sur 30) e malatias successivas tras o in cumbinaziun cun surpais
- Adipositas dad uffants e giuvenils (Index da Body-Mass > 97. percentil) o Index da Body-Mass > 90 Perzentil e malatias successivas tras o in cumbinaziun cun surpais, tenor giunta 1 chapitel 4 KLV
- Malatias cardiovascularas
- Malatias dal sistem da digestiun
- Malatias dals ranuogls
- Stadis da nudrimaint fos sco eir da nudrimaint mangluoss
- Allergias da victuaglias o reacziuns allergicas sün ingredienzas illa nudritüra
Prestaziuns cha la chascha d’amalats nu surpiglia:
- Nudrimaint san / prevenziun
- Nudrimaint da sport
- Fuormas da spaisa vegetarica e vegana
- Nudrimaint dürant gravidanza e dar bruost
- Nudrimaint d’uffants
- Nudrimaint gnond vegl
- Malatias da rumatissem
- etc.
Center da sandà Engiadina Bassa
OSPIDAL – Servezzans da cussagliaziun & consiliars
Via da l’Ospidal 280
7550 Scuol
Tel. +41 81 850 07 90
Termins: tenor cunvegna preliminara (per telefon o per e-mail)
Tel. 081 861 12 10 adüna il lündeschdi a bunura e la gövgia davomezdi obain suzanne.reber@cseb.ch
Cussagliaziun davart la diabeta
Cun la noziun diabeta mellitus vegnan recapituladas tuot las malatias chi chaschunan ün disturbi dal metabolissem da glucosa. Diabeta mellitus es la malatia la plü frequainta dal metabolissen in Svizra cun circa ün mez milliun pertocs. Ultra da las cumplicaziuns acutas sco iperglicemia e ipoglicemia sun ils dons consecutivs dal diabeta mellitus vi dal sistem cardiovascular, ögls, ranuogls e nervs, chi stöglian gnir impedits e retardats.
Da mantegmer Lur qualità da viver ed impedir dons consecutvis chaschunats da la malatia, quai ans sta a cour. Insembel i’l team interdisciplinar cun Ella/El e cun Seis meidi da chasa Tilla/Til pussibiltain nus üna terapia da diabeta cumplessiva.
I dà blers temas davart ils quals El/Ella stess esser bain infuormà/infuormada per obtgnair quist böt:
- savüda da basa davart diabeta e las pussibiltats da trattamaint
- autocontrolla (zücher dal sang, urin), far ed interpretar
- medicamaints: effet, effets secundars e ris-chs
- injecziun d’insulin: tecnica ed applicaziun
- ipoglicemia, iperglicemia e ketoacidosa
- masüras da cumportamaint per la vita quotidiana (lavur, temp liber, viadis, sport, ir cul auto)
- consequenzas tardivas e co cha quistas pon gnir impedidas tant sco pussibel
- pedicüra correcta
- sustegn in situaziuns da crisa e fasas greivas in connex cun superar la malatia
La sgüranza da basa da las chaschas d’amalats surpiglia la cussagliaziun davart la diabeta e’l nudrimaint sch’ella es ordinada dal meidi e vain exeguida da persunas specialisadas.
Center da sandà Engiadina Bassa
OSPIDAL – Servezzans da cussagliaziun & consiliars
Via da l’Ospidal 280
7550 Scuol
Tel. +41 81 861 10 33
diabetesberatung@cseb.ch
christine.sutter@cseb.ch
Contact
Miriam Huder
secretariat chirurgia, ginecologia & anestesiologia
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 822 12 00 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.