Cas d'urgenza

DONAZIUNS

La fundaziun Center da sandà Engiadina Bassa (CSEB) spordscha ün provedimaint da sandà cumplet per tuot la vita – da la naschentscha fin in ota età. La cumbinaziun da medicina classica e cumplementara es in tuot la Svizra sainza congual. Quista basa da la medicina integrativa spordscha a paziaintas e paziaints ün trattamaint da gronda portada e chi s’orientescha vers lur bsögns. La fundaziun CSEB occupa a 450 collavuraturas e collavuraturs. In connex cun sias pussibiltats promouva ella la scolaziun da meidis, persunas respunsablas per la chüra, persunal paramedical ed otras gruppas professiunalas illa domena da l’actività da fundaziun.

Vuless Ella/El exprimer Sia cuntantezza cun üna donaziun o s’ingaschar generalmaing pel provedimaint da sandà integrà illa regiun? Ch’Ella/El güda a nus a mantegner noss servezzans ed in cas da bsögn a tils cumplettar. Nus savain grà per mincha import!
Conto dal schec postal nr.: 70-641-5
IBAN nr.: CH19 0900 0000 7000 0641 5

Donaziuns per ün’occurrenza specifica

Vuless Ella/El far üna donaziun per ün’occurrenza specifica?

Ierta e legats

Vuless Ella/El far dal bain eir amo davo Sia vita? Cun favurisar la fundaziun CSEB aint in Seis testamaint güda Ella/El a nus a sustegner ad umans cun ün impedimaint da sandà.

 

Donaziun in cas da mortori

Sün giavüsch da la persuna morta o da las relaschadas e relaschats po la fundaziun CSEB gnir resguardada. Cun Sia donaziun in cas da mortori regala Ella/El spranza e sustegna ad umans in greivas situaziuns da sandà.

 

Donaziun per ün’occurrenza

Ella/El festagia ün giubileum, ün anniversari o ün’occurrenza e vuless impè da surgnir regals plü gugent far üna donaziun. O dunar il rechav da Sia occurrenza? Ch’Ella/El ramassa donaziuns per ün bun intent e lantschescha Sia acziun da collecta tuottafat persunala.
Ch’Ella/El contactescha a nus. Nus vain plaschair da güdar a chattar ün proget adattà.
Exaimpel d’ün proget da collecta realisà


Proceder:

  1. Lantschar l’acziun da collecta.
  2.  Infuormar a nus fingià avant il cumanzamaint davart l’acziun da collecta. Ch’Ella/El ramassa in occasiun da Sia occurrenza o appelleschan a Seis giasts da far üna donaziun per la fundaziun CSEB. Gugent Tilla/Til tramettain nus material d’infuormaziun per Sia occurrenza.
  3. Donaziun per online o pajar il rechav: Pajar l’import total cun l’intent d’ütilisaziun (occurrenza/evenimaint e Seis nom) sül conto da la fundaziun CSEB:
    Conto dal schec postal nr.: 70-641-5; IBAN nr.: CH19 0900 0000 7000 0641 5

Grazcha fich ch’Ella/El s’ingascha cun Sia occurrenza speciala per amegldrar la sandà e’l bainesser in Engiadina Bassa! Nus Tilla/Til giavüschain plaschair e satisfacziun cun far Sia occurrenza.

Cussagliaziun da donaziuns

Ella/El vuless sco intrapraisa, organisaziun o persuna privata far üna donaziun plü gronda? Ella/El ha dumondas davart il tema da donaziuns? Qua chatta Ella/El respostas a Sias dumondas. Ha Ella/El ulteriuras dumondas? Ch’Ella/El nun esitescha da’m contactar. Gugent eschan nus pronts da Tilla/Til güdar.

 

Dumondas frequaintas

Co douvra il CSEB mia donaziun?
Ella/El decida per che chaSia donaziun vain dovrada. Sch’Ella/El nu collian Sia donaziun cun ün intent specific, lura impuondain nus l’import là, ingio ch’el vain dovrà il plü da tuot.

Possa trar giò da las impostas mias donaziuns al CSEB?
Schi. Ella/El survain automaticamaing üna quittanza da donaziun per la decleranza d’impostas (premiss ch’Ella/El nu duna anonimamaing).

Dà il CSEB inavant mia adressa a terzs?
Na, Sia adressa nu dain nus in mincha cas na inavant a terzs.

Sun mias indicaziuns sgüras in cas da donaziuns online?
Schi, Sias datas vegnan transferidas in möd SSL codà. Üna colliaziun SSL (Secure Socket Layer) es üna colliaziun codada cun la rait tanter ün server ed ün cliaint (browser).

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 822 12 00 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147