L’organisaziun
La portadra dal Center da sandà Engiadina Bassa es la fundaziun «CSEB/Center da sandà Engiadina Bassa». La fundaziun ha in mera da garantir il provedimaint da sandà in Engiadina Bassa cun prestaziuns staziunarias ed ambulantas i’l sectur acut e da lunga dürada.
La fundaziun maina actualmaing:
- ün ospidal acut
- ün servezzan da salvamaint
- üna clinica da reabilitaziun
- duos chasas da chüra
- trais gruppas da chüra
- ils servezzans da spitex
- ün post da cussagliaziun
Ultra da quai po ella manar üna chasa d’attempats cun abitaziuns per glieud attempada. La fundaziun po eir prestar quists servezzans da maniera decentrala e surtour ulteriuras incumbenzas illa chüra da sandà e d’amalats illa regiun. Dal rest po la fundaziun entrar in cooperaziuns cun ulteriurs partenaris.
Il cussagl da fundaziun
Il cussagl da fundaziun es l’organ suprem da la fundaziun. El as cumpuona d’ün president ed adüna da duos delegats dals quatter cumüns da fundaziun Zernez, Scuol, Valsot e Samignun.
La suprastanza da fundaziun
La suprastanza da fundaziun es, ultra dal cussagl da fundaziun, respunsabla per la direcziun strategica da l’intrapraisa. La suprastanza as cumpuona dal president, d’ün vicepresident e dad ün fin trais ulteriurs commembers. Il temp d’uffizi importa quatter ons. Il president da la suprastanza es a medem temp eir il president dal cussagl da fundaziun.
Da la suprastanza da fundaziun fan part ils seguaints commembers:
- lic. rer. pol. Philipp Gunzinger, president e delegà
- Aita Zanetti-Stalvies, vicepresidenta
- Seraina Bickel
- Daniela Heis
- Prof. Dr. Matthias Mitterlechner
- Curdin Müller
- Fadri Riatsch
La direcziun
La gestiun operativa dal CSEB es l’incumbenza da la direcziun. Parsura e directer es dr. med. Joachim Koppenberg.
La direcziun as cumpuona da:
- Dr. med. Joachim Koppenberg, parsura da la direcziun, directer da l’ospidal e schefmeidi da l’anestesia
- Walter Klötzli, substitut dal parsura da la direcziun, directer dals servezzans
- Rebekka Hansmann-Zehnder, directura da la chüra – chüra e cussagliaziun
- Claudio Duschletta, directer dal Bogn Engiadina Scuol
- PD Dr. Agnes Leu, directura da la Clinica Curativa
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 822 12 00 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.