Decleraziun davart la protecziun da datas

Protecziun da datas Center da sandà Engiadina Bassa

Paziantas e paziaints
Terz servezzans da sandà
Donaturs
Interessents
Agüdonts voluntaris
Paraints
Furniturs
Fittadins
Interessents da plazzas da lavur
Acconsentimaint da permiss per abitants

Decleranza davart la protecziun da datas

La decleranza davart la protecziun da datas chi segua vala per ütilisar nossa pagina d’internet sco eir per servezzans chi vegnan spüerts là. La decleranza davart la protecziun da datas infuorma ad Ella/El davart la retschercha da datas persunalas intant ch’Ella/El s’occupa cun nossa pagina d’internet. Cun ütilisar quista pagina d’internet as declera Ella/El perinclet/-ta cun l’elavuraziun da Sias datas persunalas tenor quista decleranza davart la protecziun da datas.

La retschercha e l’elavuraziun da Sias datas persunalas vegnan fattas resguardond las ledschas e pretaisas chi valan tenor il dret davart la protecziun da datas. Dal rest refüsa il CSEB tuotta respunsabiltà pro l’ütilisaziun da quista pagina d’internet.

Registraziun da datas generalas ed infuormaziuns
Cun consultar nossa pagina d’internet vegnan registradas üna seria da datas generalas ed infuormaziuns. Quistas datas generalas ed infuormaziuns vegnan arcunadas sül server dal navigatur (browser) dal CSEB-Webhosting cyon a Basilea. Pro quistas datas toccan l’adressa dad IP e’l sistem da gestiun da Seis apparat, las datas, il temp d’access, il sistem da navigaziun sco eir la dumonda dal navigatur inclusiv la derivanza da la dumonda (referrer). Quist es necessari per motivs tecnics, per cha nus possan metter a disposiziun nossa pagina d’internet ad Ella/El. cyon protegia quistas datas cun masüras tecnicas ed organisatoricas cunter access scumandats e tillas dà inavant a terzas persunas. Las datas ed infuormaziuns registradas vegnan elavuradas be pels motivs güsta manzunats e vegnan in seguit stüzzas.

Links dad otras paginas d’internet
Quista pagina d’internet po cuntgnair links per paginas d’internet dad oters navigaturs. Il CSEB nun ha ingüna influenza sün quistas paginas d’internet, süls cuntgnüts da quellas, süllas spüertas o la disponibilità o süllas decleranzas e directivas da protecziun da datas chi valan là. Per quist motiv refüsa el tuotta respunsabiltà.

Adöver dad agens cookies
Cun visitar tschertas paginas vain miss ün uschedit cookie da sessiun. I’s tratta lapro d’üna pitschna datoteca da text chi vain stüzza automaticamaing sün Seis computer a la fin da la sezzüda da navigatur. Quista datoteca serva unicamaing per pudair nüzziar tschertas applicaziuns. Ella/El po reglar, pro la gronda part dals navigaturs da web, da maniera cha Seis navigatur nun accepta nouvs cookies o Ella/El po far stüder ils cookies. Co cha quai funcziuna concretamaing per Seis navigatur, as vegna a savair per regla sur sia funcziun d’agüd.

Medias socialas / Raits socialas
Sün nossa pagina d’internet sun iinstallats buttuns da cumond («Social-Media-Plugins») chi fan il contact cun navigaturs da raits socialas (LinkedIn, Youtube, Instagram etc.). Cun cliccar sün ün da quists buttuns dà Ella/El Seis consentimaint, cha datas bsögnaivlas sco l’adressa IP, visita da la pagina d’internet ed otras vegnan transmissas al gestiunari respectiv da la rait sociala.

Newsletter
Sur nossa pagina d’internet ha Ella/El la pussibiltà dad abunar nossa circulara electronica (newsletter). Datas ch’Ella/El ans metta a disposiziun in quista occasiun, pustüt Sia adressa dad e-mail e Seis nom, pon gnir ütilisadas pella spediziun regulara da nossa circulara electronica. La spediziun succeda directamaing da nus. Ella/El po desdir la circulara electronica d’ün mumaint a tschel (mincha jada sur il link da la circulara electronica o sülla pagina d’internet). Plünavant po Ella/El comunichar cun nus eir per e-mail o cun agüd da las datas da contact indichadas i’l impressum. Las datas persunalas restan pro nus fin cha la circulara electronica es abunada.

Müdamaints
Il CSEB po adattar adüna quista decleranza da datas sainza annunzchar quai ouravant. I vala mincha jada la versiun actuala chi’d es publichada sün nossa pagina d’internet.

Data
1.9.2023