Bogns & sauna
La cuntrada da bogns e sauna dal Bogn Engiadina es vasta e multifaria. Ch’Ellas/Els invlidan il minchadi e scuvrischan il muond da la detensiun.
Il Bogn Engiadina es ün bogn d’aua minerala. I’l bogn cuvert Quadras e la stà implü i’l bogn avert Trü daja ultra da quai pussibiltats i’ls secturs da prevenziun e reabilitaziun.
Ün’idea dal Bogn Engiadina survegnan Ellas/Els in occasiun d’ün gir virtual.
Cuntrada da bogns
La spüerta da la cuntrada da bogns cumpiglia:
- 6 bogns interns ed externs cun düsas da massascha, sbuorfels, cascadas e curraint d’aua
- batschigl cun aua da sal
- bogn da vapur textil
- prà da solarium
- diversas massaschas sün dumonda
- local da pos “Könz” cun fö da chamin
Cuntrada da sauna
La spüerta da la cuntrada da sauna cumpiglia:
- bognada cun ~ 90 °C
- sauna in bogn chod, ~ 60 °C, 60 % ümidità da l’ajer
- bogn da vapur, ~ 42 °C, 100 % ümidità da l’ajer
- bügl da glatsch
- batschigl da palombar
- paraid da cascada
- grotta da duscha
- piertan cun divers bügls/funtanas d’aua minerala
Cuntra da sauna externa:
- sauna da chamin, sauna al fö avert, ~ 85 °C
- sauna per damas, be per damas, bognada automatica, ~ 80 °C
- chasa da pos cun vista panoramica, giaschaditschs cun lampas da leger
- batschigl d’aua fraida
- prà avert per star a sulai
Bogn roman-irlandais
Il bogn roman-irlandais unischa las culturas da bogn dals vegls Romans ed Irlandais. In 16 oasas da pos agreablas passainta il giast dal bogn üna sinfonia da differents bogns e temperaturas. Cumplettà vain il gir da trais uras e mez cun aua minerala dal lö ed üna massascha da wellness.
Per l’ambiaint mistic pisseran las figüras e fuormas da l’artist indigen Steivan Liun Könz. El ha güdà a fuormar decisivamaing las localitats dal bogn roman-irlandais e fat ün lö dalöntsch davent da la realità.
Infuormaziuns importantas davart il bogn roman-irlandais
- L’inter bogn roman-irlandais es üna zona per nudists e po gnir trat a nüz be da persunas a partir da 18 ons.
- Ch’Ellas/Els portan cun sai Lur aigna roba da far il bogn. Ellas/Els survegnan a la chascha üna toga e s-charpas da bogn.
- Da la gardaroba fin pro la recepziun ston Ellas/Els portar büschmainta da bogn o ün süaintamans da bogn.
- Ch’Ellas/Els s’annunzchan almain 15 minuts avant il termin reservà a la chascha dal Bogn Engiadina.
- In cas d’ün pajamaint cun ün bun, sto il bun original gnir preschantà a la chascha.
- Roba da far il bogn po eir gnir tutta a fit a la chascha cunter üna taxa ed ün deposit.
Tibor Müllner
manader cuntrada da bogns
Telma Carmen Robalo da Silva
manadra bogn roman-irlandais
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 822 12 00 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.