cseb-20170403-8064
Copchar la colliaziun i'l archiv provisoric. Copchà!

Savair interdisciplinar

Malatias dal cour, mal dals pulmuns, tumors – la medicina interna es ün vast sectur special. Perquai lavuran ils meidis specialists da la medicina interna, chi resguardan svess diversas specialitats, strettamaing insembel cun otras disciplinas in chasa sco eir cun meidis consiliars e’ls meidis da chasa. La chadaina s’indainta da maniera perfetta. Ün provedimaint medicinal optimal es uschè garanti da tuottas uras – eir in cas d’urgenza.

Il spectrum da trattamaint da la medicina interna cumpiglia

  • cour: anghina dal pet ed infarct dal cour, disturbis dal ritmus dal cour, insufficienza dal cour, malatias da las clappas dal cour e da las musclas dal cour
  • avainas: ota pressiun dal sang; disturbis da la circulaziun dal sang da las arterias dal tscharvè e da las chommas; embolias pulmunalas; malatias da las venas sco avainas
  • rossas e “chommas avertas”, trombosas eui
  • pulmuns: astma, bronchita cronica, sindrom da l’apnea in sön, emfisem
  • Erkrankungen des gesamten Gastrointestinaltraktes einschliesslich der Leber, der Gallenwege und des Pankreas
  • metabolissem: p.ex. diabeta mellita, iperfuncziun e suotfuncziun da la glanda tiroïda
  • malatias reumaticas: mal la rain, inflammaziuns da las lisüras
  • malatias infectusas: intös-chamaint dal sang, puonchas, infecziuns da la pel, dals ranuogls e da las vias urinaras sco eir dals organs digestivs
  • tumors: paziaints da cancar vegnan trattats cun sustegn da meidis consiliars externs e sün giavüsch eir in collavuraziun cun la partiziun da medicina cumplementara
Copchar la colliaziun i'l archiv provisoric. Copchà!

Staziun da survaglianza (Chüra intermediara – Intermediate Care IMC)

IMC serva a la survaglianza intensiva da las funcziuns vitalas pro’l trattamaint da paziaintas e paziaints cun malatias chi mettan in privel la vita sco infarcts dal cour, cuolps da tscharvè, disturbis dal ritmus dal cour, infecziuns greivas, perditas da sang internas sco eir insufficienza da respirar e dal cour.

Copchar la colliaziun i'l archiv provisoric. Copchà!

Cardiologia e angiologia

La cardiologia s’occupa da malatias dal cour, l’angiologia da malatias vascularas. La spüerta a l’ospidal cumpiglia:

  • ECG electrocardiogram da pos e davo ün liger sforz corporal (velo, bindè da cuorrer)
  • ecocardiografia culur-duplex in stadi da pos e da sforz (resonanza da stress)
  • ECG a lunga dürada, ECG activabel dal paziaint davo ün sforz plü grond
  • masüraziun da la circulaziun dal sang dürant 24 uras
  • examinaziun d’inclinaziun
  • controllas da stimuladers dal cour e da defribillaturs interns (ICD)
  • electroconversiun in narcosa cuorta in cas da fibrillaziun atrala
  • masüraziun da la pressiun d’oclusiun da las arterias dals ravels ed oscillografia dal puls
  • sonografia culur-duplex da las arterias ed avainas
  • ambulatori per plajas tschertifichà da SAfW
Copchar la colliaziun i'l archiv provisoric. Copchà!

Pneumologia

La pneumologia s’occupa da mals pulmunaris. La spüerta cumpiglia:

  • masüraziuns da la funcziun dal pulmun (incl. bodypletismonografia)
  • test da provocaziun bronchiala (test a la metacolina)
  • gasometria arteriala dal sang
  • poligrafia e pulsoximetria respiratorica
  • bronchoscopia (gastroscopia dals pulmuns)
  • sonografia dal torax
Copchar la colliaziun i'l archiv provisoric. Copchà!

Medicina manuala

La medicina manuala es üna metoda da diagnosa e trattamaint in cas da disturbis da la funcziun da la motorica dal corp. Manipulaziuns intenziunadas surleivgian las dolurs. Proceduras manualterapeuticas sun fich efficazias in cas da mals da la rain, da las lisüras e da las musclas.

  • ura da consultaziun pro ün meidi specialist cun attest da qualificaziun da la Società svizra da medicina manuala (SAMM)
Copchar la colliaziun i'l archiv provisoric. Copchà!

Endocrinologia e nudrimaint

Diagnostica, cussagliaziun e trattamaint da disturbis dal metabolissem, specialmaing da diabeta ed alimentaziun sbagliada.

  • ura da consultaziun da diabeta telemedicinala in collavuraziun cun l’endocrinologia e diabetologia da l’ospidal chantunal GR
  • cussagliaziun in dumondas da diabeta
  • cussagliaziun in dumondas da nudrimaint
Copchar la colliaziun i'l archiv provisoric. Copchà!

Neurologia

Trattamaint da malatias dal sistem da la nerva, specialmaing dal cuolp da tscharvè acut.

  • collavuraziun telemedicinala cun la clinica neurologica da l’ospidal chantunal San Galla (center per cuolps da tscharvè da la Svizra da l’Ost)
Copchar la colliaziun i'l archiv provisoric. Copchà!

Gastroenterologia

Malatias dal tract digestiv sco eir dad organs chi sun colliats cun quists sco gnirom, vaschia dal feil e pancreas. La spüerta a l’ospidal cumpiglia las prestaziuns seguaintas:

  • Endoscopia dal tract gastrointestinal sura e suot (examinaziun dal stomi e da la böglia) incl. applanimaint da polips
  • sonografia dal vainter

Partiziun per medicina integrativa e cumplementara

In basa a la medicina classica vegnan applichats medicamaints e metodas da terapia da la medicina cumplementara. Il purtret da l’uman da quista medicina integrativa s’inclegia per far üna diagnosa ed ün trattamaint cumplessiv, i’ls quals vegnan integrats corp, orma e spiert. Suot la direcziun d’ün meidi professiunal contribuischan a la guarischun dals paziaints disposiziuns orientadas al corp sco faschas, massaschas, applicaziuns externas, terapias artisticas, terapias da’s mouver meditativas, metodas da’s schlockiar e trenamaint da l’attenziun.

La spüerta cumpiglia:

  • trattamaint integrativ internistic
  • terapia integrativa oncologica cun applichar la terapia da vis-cha
  • trattamaint integrativ psicosomatic

Team da la medicina

Gian Flury

dr. med. Gian Flury

schefmeidi per medicina interna
meidi specialist per medicina interna & cardiologia FMH

Curriculum (PDF)

Nemec_Marek3

dr. med. Marek Nemec

meidi directiv per medicina interna, viceschefmeidi
meidi specialist per medicina interna & pneumologia FMH
AF medicina da sport SEMS

Curriculum (PDF)

brandenburg_natascha1

pract. med. Natascha Brandenburg

meidi directiv per medicina interna
meidi specialist per medicina interna FMH

Curriculum (PDF)

Breznik Melitta

dr. med. Melitta Breznik

meidi directiv medicina integrativa e cumplementara
meidi specialist psichiatria e psicoterapia FMH

Curriculum (PDF)

graf_hannes_9161

dr. med. Hannes Graf

co-schefmeidi medicina integrativa e cumplementara
meidi specialist medicina generala e medicina d'orientaziun antroposofica FMH

Curriculum (PDF)

Landolt_Rebecca

dr. med. Rebecca Landolt

meidi directiv per medicina interna
meidi specialist per medicina interna generala FMH +
meidi specialist per medicina tropica e da viadi FMH
International Diploma in Mountain Medicine ISMM/UIAA/ICAR
International Diploma in Expedition and Wilderness Medicine ISMM/UIAA/ICAR

Curriculum (PDF)

Walter_Eike

prof. dr. med. Eike Walter

meidi directiv per medicina interna
meidi specialist per medicina interna & gastroenterologia

Curriculum (PDF)

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147