Copchar la colliaziun i'l archiv provisoric. Copchà!

Prestaziuns da chüra professiunalas in ün ambiaint familiar

Da chürar a paziaints da maniera persunala, fidaivla e professiunala i’l sectur staziunari ed ambulant – quai es la mera suprema.

Pro la spüerta da la chüra acuta appartegna il sustegn individual da las activitats da la vita quotidiana. L’accumpognamaint illa situaziun da viver actuala succeda adüna tenor il bsögn da chüra. Quist vain cuntantà cun intervenziuns intenziunadas chi vegnan evaluadas ed adattadas regularmaing. Masüras preventivas, diagnosticas e terapeuticas fan medemmamaing part da las masüras da chüra.

Copchar la colliaziun i'l archiv provisoric. Copchà!

Ün spectrum vast

Masüras da la medicina cumplementara, sco faschas e cumpressas, vegnan applichadas intenziunadamaing. Ils princips da la cinestetica accumpognan als paziaints ed a collavuraturas e collavuraturs i’l minchadi da chüra. Il savair da chüra specialisà as muossa in differents settings, sco trattamaint da plajas, chüra oncologica, chüra palliativa, cussagliaziun in dumondas da diabeta ed oters plü. Il spectrum vast es fa la lavur a medem temp pretensiusa ed interessanta e tendscha da la chüra da poppins fin a l’intervenziun da chüra geriatrica.

Copchar la colliaziun i'l archiv provisoric. Copchà!

Actual ed innovativ

Standards da chüra e directivas vegnan elavurats i’l Center da sandà Engiadina Bassa tenor l’actualità. Quists güdan ad accumplir bain il minchadi da chüra tenor ils criteris da qualità fixats.

Scolaziun e perfecziunamaint sun fich importants i’l sectur da medicina e scienza. Per pudair satisfar a quistas sfidas severas, spordscha il CSEB trasoura nouvas scolaziuns e nouvs perfecziunamaints. Eir han lö transmissiuns per video regularas davart perfecziunamaints specifics per la chüra our d’ospidals centrals.

Persunas in scolaziun e chi fan ün stüdi, sco p.ex. specialista/specialist da chüra (SSS), vegnan assistidas dürant lur temp da fuormaziun e lur praticums da persunas qualifichadas. Quai garantischa üna gronda qualità da chüra per l’avegnir e significha a medem temp plazzas da fuormaziun attractivas per la regiun.

Al profil da chüra

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147