Pagina iniziala Intrapraisas Ospidal Anestesiologia & terapia cunter dolurs

Anestesiologia, terapia cunter dolurs & medicina d’urgenza

L’incumbenza principala da l’anestesiologia es üna metoda da narcosa chi’d es accordada individualmaing al paziaint. Davo l’operaziun pisseran ils meidis d’anestesia per üna terapia cunter dolurs ideala.

Ils anestesists sun sco meidis d’urgenza eir üna part dal team da salvamaint. La partiziun spordscha ultra da quai üna consultaziun da la dolur ambulanta sco eir üna terapia cunter dolurs staziunaria. Üna collavuraziun stretta tanter ils meidis da chasa e’ls meidis specialists pussibiltescha üna chüra minuziusa ed optimala dal paziaint.

Ingüna temma avant la narcosa

Tuot las metodas modernas da l’anestesia parziala e generala vegnan spüertas a l’ospidal, per part eir cumbinadas. Per tour davent la temma da la narcosa daja avant l’intervenziun operativa ün discuors da preparaziun detaglià. Cun agüd, eventualmaing, d’examinaziuns supplementaras medicinalas eruischa il meidi specialist la metoda d’anestesia optimala. Giavüschs individuals vegnan, scha quai es medicinalmaing pussibel, eir resguardats. Illa staziun da survaglianza intensiva, chi’d es indrizzada da maniera moderna, vain garantida üna survaglianza e terapia cumpletta.

Terapia cunter dolurs

L’ospidal dispuona d’ün concept da terapia cunter dolurs tschertifichà. Dolurs postoperativas vegnan trattadas da maniera sistematica e consequenta. Applichats vegnan eir cateters moderns cunter dolurs cun pumpas cunter dolurs.

In cas da dolurs cronicas po il meidi da chasa arrandschar üna consultaziun davart üna terapia cunter dolurs ambulanta. Illa consultaziun vegnan analisadas las dolurs ed i vain elavurà ün concept da terapia individual. La terapia cunter dolurs po gnir realisada cun medicamaints. I dà però eir numerusas uschedittas tecnicas d’infiltraziun invasiva. Quistas vegnan realisadas eir suot controlla da radiografia e d’ultrasun cun üna tecnica fich moderna. In cas cronics schelts e cumplexs vegnan spüerts trattamaints staziunaris. Quists succedan in collavuraziun stretta cun meidis da chasa e las otras partiziuns specialisadas da l’ospidal.

La partiziun es da vart da la Società svizra pel stüdi da la dolur (SSSD) tschertifichà sco center da la dolur e dispuona da specialists da la dolur specials (SSIPM, SSSD, medicina psicosomatica).

Broschüra – terapia cunter dolurs davo ün’operaziun

Team da l'anestesiologia, terapia cunter dolurs & medicina d'urgenza

dr. med. Joachim Koppenberg

schefmeidi anestesiologia
meidi specialist per anestesiologia
AF meidi d'urgenza SSMUS (Società Svizra da Medicina d'Urgenza e da Salvamaint)
AF medicina d'urgenza clinica SSMUS
meidi d'urgenza directiv CSSUC (Center svizzer da medicina da salvamaint, d’urgenza e da catastrofas)
AF terapia da dolurs intervenziunistica SSIPM
specialist da dolur SSSD (Società Svizra pel Stüdi da la Dolur)
management medical da qualità (D)
International Diploma in Mountain Medicine UIAA/ICAR/ISMM
International Diploma in Expedition and Wilderness Medicine

Curriculum (PDF)

dr. med. Marco Enderlin

meidi directiv anestesiologia, substitut schefmeidi
meidi specialist per anestesiologia

Curriculum (PDF)

dr. med. Ulrich Bauerschmidt

meidi directiv anestesiologia
meidi specialist per anestesiologia
AF meidi d'urgenza SSMUS
AF medicina d'urgenza (D)
meidi d'urgenza directiv (D)
specialist da dolurs SSSD

Curriculum (PDF)

dr. med. Carsten Einfeld

meidi directiv anestesiologia
meidi specialist per anestesiologia
meidi d'urgenza (D)
meidi d'urgenza directiv (D)

Curriculum (PDF)

dr. med. Remo Grifone

meidi directiv anestesiologia
meidi specialist per anestesiologia
meidi specialist per medizina intensiva
AF medicina d'urgenza clinica SSMUS
meidi d'urgenza directiv

Curriculum (PDF)