Infuormaziuns davart il coronavirus (COVID-19)

Hotline COVID-19 UFSP (BAG): +41 (0) 58 463 00 00
Hotline da vaccinaziun chantunala COVID-19: +41 (0) 81 254 16 00
Center da test / vaccinaziun ospidal Scuol: +41 (0) 81 861 13 60

Il Center da sandà Engiadina Bassa infuorma cuntinuadamaing davart adattaziuns in connex cul coronavirus.
Qua chattan Ellas/Els tuot las infuormaziuns relevantas davart il nouv coronavirus COVID-19, masüras da protecziun, regulaziuns da visita e bler oter plü.

A l’infuormaziun

La regiun da sandà

La mera es ün svilup dürabel per la regiun. Eir in quist cas ha prestà la regiun perifera lavur da pionier. La Regiun dal Parc Naziunal s’ha stabilida dürant ils ultims ons sco regiun da sandà. La cuntrada natürala e culturala intacta cumpiglia ün grond potenzial per ün svilup dürabel. Las experienzas dal CSEB sun perfin la basa per la lavur da la gruppa directiva pel turissem da sandà dal chantun Grischun.

daplü da la regiun da sandà

Copchar la colliaziun i'l archiv provisoric. Copchà!

Provedimaint cumplet per tuot la vita. Da la naschentscha fin in ota età.

L’idea dal Center da sandà Engiadina Bassa (CSEB) es fascinantamaing simpla e tantüna innovativa: Suot ün tet van üna via cumünaivla tuot ils furniturs i’ls secturs dal provedimaint da sandà, chüra, assistenza da glieud attempada e wellness.

Cul CSEB ha prestà la regiun lavur da pionier. Tant i’l chantun Grischun sco eir sur ils cunfins dal pajais oura vala quista sco model cun caracter exemplaric. Las spüertas da l’ospidal regiunal, dal servezzan da salvamaint, da la clinica da reabilitaziun, dal spitex, da las gruppas da chüra, da las chasas da chüra e dal Bogn Engiadina vegnan coordinadas in möd optimal. Quista collavuraziun stretta pussibiltescha da far adöver da sinergias e serva a paziaints e collavuraturs. Eir politicamaing survain la Regiun da sandà Engiadina Bassa ün’importanza plü ferma.

Tschinch intrapraisas per Lur sandà.

Suot il tet da la Fundaziun CSEB concentreschan importants furniturs da sandà da la regiun lur forzas per proveder l’Engiadina Bassa in möd optimal, integrativ ed innovativ. Da l’ospidal, sur la reabilitaziun e la chüra da glieud attempada, fin pro la terapia e wellness. Ün proget da pionier i’l sectur da la sandà in Svizra ed ün’istorgia da success per paziaints, giasts e collavuraturs.

Medicina d’ota qualità. Infrastructura moderna. L’ospidal collia eir medicina classica e cumplementara.

Ulteriuras infuormaziuns

Oncologia, reabilitaziun medicinala e psicosomatica: ün concept da terapia integrativ per daplü qualità da viver.

Ulteriuras infuormaziuns

Center pel provedimaint ambulant e staziunari d’attempats. Per tuot l’Engiadina Bassa.

Ulteriuras infuormaziuns

 

Chüra ed assistenza a chasa. Persunal e professiunal per tuot las gruppas d’età.

Ulteriuras infuormaziuns

Terapia e reabilitaziun ambulanta. In accord cun la natüra, integrà i’l bogn termal.

Ulteriuras infuormaziuns

Provedimaint integrativ:
Il meglder dal meglder.

L’Engiadina Bassa collia l’experienza illa natüra cun la medicina specialisada. Cun sias funtanas mineralas, sia tradiziun da bogns e’l CSEB. Là as dan il man la medicina classica e cumplementara.

L’ospidal regiunal rapreschainta üna medicina d’ota qualità cun ün’infrastructura fich moderna. La prüma jada in Svizra vain cumbinada la medicina classica e cumplementara. In connex cun quista medicina integrativa decidan ils paziaints svess, sch’els vöglian ed in che grà ch’els lessan profitar da quai. Ultra da quai daja üna spüerta palliativ-medicinica.

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147