Fermada & visita
La Clinica Curativa es integrada cumplettamaing illas localitats da l’ospidal.
Viadi d’arriv
Nus Tillas/Tils racumandain da far manar scha pussibel a paraints o cuntschaints illa clinica e d’ütilisar ils mezs da trafic publics. Üna fermada dal bus local as rechatta directamaing sper l’ospidal. Il planisader da rutas Tillas/Tils muossa la via pro nus. Per ir aint il veicul e gnir oura da quel pon dovrar paziaintas e paziaints la plazza da fermada pro l’entrada.
Plazzas da parcar
Las plazzas da parcar sper l’ospidal sun suottamissas a taxas. I nu stan a disposiziun ingünas plazzas da parcar permanentas.
Uras d’avertüra
Secretariat Clinica Curativa
Lündeschdi fin venderdi: 08.00 – 12.30
Recepziun ospidal
Lündeschdi fin venderdi: 07.00 – 20.00
Sonda e dumengia: 08.00 – 20.00
Stanzas illa Clinica Curativa
Illa Clinica Curativa stan a disposiziun quatter stanzas dublas. Ulteriuras stanzas dublas ed eir stanzas singulas as rechattan i’l sectur dal ospidal acut. Tuot las stanzas han access direct a la Clinica Curativa, sun cleras, prüvadas e cumadaivlas.
Staziun privata
Be la vista sün la cuntrada muntagnarda da l’Engiadina Bassa es fingià salüdaivla. Da la fanestra o da la lobgia as vezza eir il cumün da Scuol, l’En blau verd e’ls gods spess.
Las stanzas d’ün let sun equipadas in möd seguaint:
- colliaziun cul wireless gratuita per l’access a l‘internet
- radio e tv cun emetturs naziunals ed internaziunals
- attach da telefon cun selecziun directa
- lets chi’s po reglar da möd electric
- bogns
- mantels da bogn, pantoflas da bogn, süaintamans da frottar, savun per la duscha, schampo pels chavels, crema pel corp stan a disposiziun sco eir ün favuogn sün dumonda
- sün giavüsch vain lavada la roba privata
Mincha di spordschain nus a noss paziaints chi han üna sgüranza supplementara üna gazetta quotidiana sco eir ulteriurs servezzans specials.
Tuots locals da paziaints
Las stanzas da paziaints sun equipadas in möd seguaint:
- radio gratuit
- access a l’internet suottamiss a taxas
- per mincha plazza da let tv cun oblig da pajar taxas ed üna gronda tscherna d’emetturs naziunals ed internaziunals
- lets chi’s po reglar da möd electric
Tuots detagls davart il sogiuorn pon Ellas/Els per plaschair leger davo in nossa broschüra per paziaints extaisa.
Program da terapia
Il program individual da terapia da la Clinica Curativa as drizza vi dals böts da sogiuorn da la paziainta o dal paziaint. El es üna part importanta dal concept da trattamaint.
Per accumplir las pretaisas da las chaschas d’amalats i’l rom da l’acconsentimaint dals cuosts, cuntegna mincha program d’eivna almain 450 minuts da terapia, saja quai individual o in gruppa. Il program da terapia es impegnativ per paziaintas e paziaints, la dumengia es sainza terapia.
Il plan da l’eivna schematic demuossa, che chi spetta a paziaints e paziaintas – pro’l program da terapia
Cuschina
Frais-cha, regiunala e stagiunala – uschè es la cuschina a l’ospidal. Ils paziaints han adüna üna gronda tscherna tanter trats vegetarics e cun charn. Tuot tenor ils bsögns o las prescrpziuns medicinalas ed eventualmaing eir davo avair passà pled cun la cussagliaziun da nudrimaint pon ils trats gnir cuschinats eir da maniera individuala.
Il team da la cuschina s’occupa dal bainstar corporal illas gestiuns seguaintas dal center da sandà:
- Ospidal
- Clinica Curativa
- Spitex
- Chasa da chüra Chüra Lischana
- Servezzans psichiatrics dal Grischun
- maisa da mezdi per las scoulas
Cuschina da dieta
Nos schef da cuschina resguarda insembel cul team da trattamaint las intoleranzas ed allergias. In cas da bsögn tratta il schef da cuschina cun la cusgliadra da nudrimaint las pussibiltats da pudair cuschinar, adonta da restricziuns, ün damangiar gustus e san.
Cafetaria
Pels collavuraturs e las visitas dals paziaints o abitants sta a disposiziun üna cafetaria. Qua pon ils paziaints cun lur paraints as laschar gustar ün giantar delizchus in ün’atmosfera prüvada.
Secretariat Clinica Curativa
Jacqueline Oesch
secretariat Clinica Curativa & fisioterapia
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 822 12 00 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.