Christian Grabner
manader gestiuns decentralas
«Chalamandrin – Chüra Lischana – Röven»
Sanne Gierman
manadra da departamaint gestiuns decentralas
«Chalamandrin – Chüra Lischana – Röven»
Jana Lassuthova
manadra da departamaint gestiuns decentralas
«Chalamandrin – Chüra Lischana – Röven»
Clemens Weiler
manader da departamaint gestiuns decentralas
«Chalamandrin – Chüra Lischana – Röven»
L’Engiadina Bassa es üna regiun vasta. Cun las intrapraisas a Zernez, Scuol e Samnaun vain garanti il provedimaint da chüra decentral.
La spüerta staziunaria pussibiltescha als abitants da restar inavant dastrusch a lur center da la vita familiara d’infin uossa. Las intrapraisas decentralas spordschan da tuottas uras chüra ed assistenza professiunala. Quistas garantischan il provedimaint eir in cas d’ün grond bsögn da chüra. Las persunas vegnan accumpagnadas confuorm a lur bsögns fin ill’ultima fasa da la vita. Las instituziuns han ün caracter familiar e correspuondan tuottüna a las pretaisas architectonicas e da la gestiun d’üna chasa da chüra. Ils abitants vegnan chürats inavant dal meidi da chasa. Las gruppas da chüra vegnan manadas avertamaing, quai voul dir cha amalats da demenza obain in situaziuns palliativas vegnan assistits e chürats integrativamaing.
Pro la spüerta staziunaria appartegnan:
A Zernez, Scuol e Samignun stan a disposiziun ultra da las gruppas da chüra eir abitaziuns per vegls. Persunas plü veglias pon uschè viver independentamaing. Las abitaziuns a fit sun indrizzadas da maniera adattada a l’età e tenor ils bsögns da persunas cun impedimaints.
La chasa da chüra «Chüra Lischana» es integrada i’l ospidal a Scuol. Quai pussibiltescha ün’assistenza optimala concernent la medicina e la chüra. L’instituziun spordscha ün nouv dachasa a persunas plü veglias chi nu pon plü abitar in lur ambiaint prüvà. L’assistenza es persunala ed individuala e’ls abitants profitan da divers avantags d’ün ospidal. Uschè eir d’üna cuschina frais-cha, regiunala e stagiunala sco eir d’üna cafetaria. Tuot las stanzas sun cleras, prüvadas e spordschan mincha confort. Il persunal da chüra ha in mera da promouver e mantegner las abiltats spiertalas, corporalas e socialas dals abitants. Il provedimaint es garanti eir in cas d’ün grond bsögn da chüra. Amalats da demenza e persunas cun modificaziuns psichicas vegnan assistits e chürats integrativamaing.
«Nossa fermezza es la vicinanza a l’ospidal. Nus profitain dals meidis sco eir da la fisioterapia directamaing in chasa. Illa Chüra Lischana mettain nus grond pais sün üna chüra ed assistenza individuala.»
Christian Grabner | Manader da las intrapraisas decentralas
Center da sandà Engiadina Bassa
Chüra – chüra & assistenza
Chasa da chüra Chüra Lischana
Via da l’Ospidal 280
CH-7550 Scuol
Tel. +41 81 861 10 39
Pitschen ma prezius – quai vala pel center da seniors a Samignun-Compatsch. Cun ses plazzas da chüra es il “Chalamandrin” la plü pitschna instituziun da chüra dal model da provedimaint da l’Engiadina Bassa. La pitschnezza spordscha l’avantag per ün’assistenza individuala e flexibla. L’abitaziun moderna es indrizzada da maniera clera e prüvada cun spazi abitabel e local da mangiar sco eir ün üert cun plazza da tschantar.
«Id es nos böt cha las abitantas e’ls abitants possan viver illa gruppa da chüra scha mâ pussibel da maniera autonoma ed independenta. Cha quai es pussibel in «lur val» es important per üna buna qualità da viver.»
Christian Grabner | Manader da las intrapraisas decentralas
Center da sandà Engiadina Bassa
CHÜRA – chüra & assistenza
Gruppa da chüra Chalamandrin
Alpenquellweg 20
CH-7562 Samnaun-Compatsch
Tel. +41 81 861 26 84
La gruppa da chüra «Röven» a Zernez es üna spüerta staziunaria per la populaziun da la part sura da l’Engiadina Bassa. La gruppa da chüra cun nouv plazzas da chüra es situada illa surfabricaziun «Röven 8» i’l center dal cumün. La chasa dispuona ultra da quai d’üna pratcha da meidi, fisioterapia ed abitaziuns per vegls. Activitats multifarias in ün lö protet inrichischan il minchadi dals abitants: i’l lö d’abitar e da recreaziun, sün la terrassa generusa o in üert cun ün’aigna pista da bochas.
«La terrassa generusa e l’üert sun la caracteristica da nossas localitats. Insembel cun las abitantas e’ls abitants eschan nus suvent oura il liber, grigliain, implantain l’era ota o stain simplamaing tuot pachific da cumpagnia e sentin il «puls» dal cumün.»
Jana Lassuthova | Manadra da departamaint gestiuns decentralas
Center da sandà Engiadina Bassa
CHÜRA – chüra & assistenza
Gruppa da chüra Röven
Röven 8
CH-7530 Zernez
Tel. +41 81 861 26 80
Christian Grabner
manader gestiuns decentralas
«Chalamandrin – Chüra Lischana – Röven»
Sanne Gierman
manadra da departamaint gestiuns decentralas
«Chalamandrin – Chüra Lischana – Röven»
Jana Lassuthova
manadra da departamaint gestiuns decentralas
«Chalamandrin – Chüra Lischana – Röven»
Clemens Weiler
manader da departamaint gestiuns decentralas
«Chalamandrin – Chüra Lischana – Röven»
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.
