Pro las spüertas staziunarias appartegnan:
La chasa da chüra “Chasa Puntota” a Scuol es ün lö, ingio chi abitan persunas chi han dabsögn da sustegn e chi possan passantar lur vita uschè autonom sco pussibel. Las abitantas e’ls abitants dessan as sentir bain qua – cun tuot lur adüs ed aigna istorgia. La Chasa Puntota spordscha üna chüra ed assistenza cumpetenta, orientada als abitants e cumplessiva. Bainesser, sgürezza, efficacità e rendabilità sun la pozza da la gestiun. Las 65 stanzas d’ün let pon gnir indrizzadas tenor agen giavüsch.
Ils bsögns e giavüschs individuals da las abitantas e dals abitants stan i’l center d’attenziun. Ils collavuraturs e las collavuraturas inscuntran ad Ellas/Els cun respet, amiaivlezza e stima. Autonomia, protecziun e sgürezza vegnan promovüdas e pussibiltadas cun üna structuraziun dal minchadi ch’Ellas/Els cundecidan.
70 ons Chasa Puntota, il rapport da RTR
La gruppa da chüra “Dschember” es ün lö particular. Ella s’ha specialisada sün l’assistenza e la chüra da persunas dementas. Nos böt es da pudair spordscher a quistas persunas la megldra qualità da viver pussibla.
Il team da chadafö spordscha mincha di pasts variats ed equilibrats. Tuot tenor ils bsögns o ordinaziun medicinala ed eir davo consultaziun cun la cussagliaziun da nudrimaint pon gnir preparadas las spaisas eir individualmaing. Confamiliars e visitas pon as partecipar als pasts sün giavüsch e sün preavis (preannunzchar infin il plü tard il di precedaint a las 12.00 suot chasapuntota@cseb.ch).
La cafetaria es averta per tuot ils abitants e tuottas visitas. Per predschs favuraivels survegnan ils giasts üna vasta spüerta da bavrondas e dutscharias. La cafetaria es averta mincha di da las 09.00 fin las 11.30 e da las 13.30 fin a las 16.30.
«Il persunal da la Chasa Puntota as distingua cun üna chüra cumpetenta ed amuraivla. La terapia d’activaziun spordscha ün program multifari da divertimaint e d’occupaziun e l’üert invida a star pachific. La Chasa Puntota es ün lö d’inscunter cun sia plazzetta sulagliva e la cafetaria prüvada ingio cha eir giasts sun bainvis.»
Uwe Höllrigl | Manader da la chasa da chüra Chasa Puntota
Center da sandà Engiadina Bassa
Chüra – chüra & assistenza
Chasa da chüra Chasa Puntota
Via da la Dmura 421
CH-7550 Scuol
Tel. +41 81 861 21 00
General: chasapuntota@cseb.ch
Chüra: cpo.pflege@cseb.ch
Uwe Höllrigl
manader chasa da chüra Chasa Puntota | Scuol
Andrea Ilmer
manadra dal departamaint gruppa da chüra Larsch, Chasa Puntota | Scuol
Jana Lassuthova
manadra dal departamaint gruppa da chüra Larsch, Chasa Puntota | Scuol
Petra Menghin
manadra dal departamaint gruppa da chüra Dschember, Chasa Puntota | Scuol
Tina Pali
manadra dal departamaint gruppa da chüra Dschember, Chasa Puntota | Scuol
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.
