Servezzans
La gestiun da «servezzans» cumpiglia las funcziuns interdisciplinaras da l’intera gestiun dal center da sandà. I sun quai ils secturs chi funcziunan davo las culissas. Quists contribuischan sco intrapraisas da servezzan internas cha las vaira incumbenzas principalas da las gestiuns possan gnir accumplidas sainza difficultats. La gestiun da servezzans rapreschainta dimena la pozza principala da l’organisaziun. Lapro toccan l’administraziun, il servezzan da persunal, l’informatica, la logistica e’l marketing.
Administraziun
L’administraziun s’occupa dal sectur da finanzas e contabilità. Ella es ultra da quai respunsabla per l’administraziun da paziaints sco eir per la cumpra da medicamaints e material medicinal.
Aldo Platz
manader administraziun
Andrea Florinett
controlling & acquisiziuns
Franziska Tribelhorn
manadra retschaivimaint / administraziun da paziaints
Servezzan da persunal
Pro’l Center da sandà Engiadina Bassa (CSEB) lavuran var 450 persunas. Cun quai es il CSEB il plü grond patrun da lavur illa regiun. Il servezzan da persunal es respunsabel per tuot las dumondas chi pertoccan a collavuraturas e collavuraturs, da las annunzchas d’entradas in servezzan e demischiuns fin a sgüranzas, paja o güdicat dal persunal.
Gerhard Hauser
directer Servezzans
manader servezzan da persunal
Martina Peretti
manadra da team servezzan da persunal
Informatica
Ils quatter collavuraturs da l’informatica sun i’l CSEB respunsabels per la tecnologia d’infuormaziun e la telefonia. Saja quai actas d’amalats digitalas o sistems da conferenzas per video davart la medicina a l’ospidal, sistem da chascha e survaglianza i’l Bogn Engiadina, o la software da servezzan da la spitex – ils experts pisseran per la gestiun e’l mantegnimaint da l’IT.
Markus Grill
manader informatica
Logistica
La logistica vain manada da Fabian Trottmann ed es trapartida in quatter secturs: tecnica, mantegnimaint, economia chasana, gastronomia.
- Pro la tecnica appartegna tuot quai chi’d es collià cun la tecnica da chasa, da l’electricità sur l’ariaziun fin a la preparaziun da trattar aua da far il bogn.
- Il sectur da mantegnimaint es respunsabel pel mantegnimaint dals edifizis, da l’exteriur sco eir dals veiculs e surpiglia ulteriuras incumbenzas sco il servezzan da currier o viadis da transport.
- L’economia chasana es respunsabla pel nettiamaint d’edifizis e lavura cun trais teams aint in l’ospidal, i’l Bogn Engiadina ed illa Chasa Puntota. Ultra da quai maina quist sectur las duos lavandarias aint in l’ospidal ed illa Chasa Puntota.
- La gastronomia cumpiglia la cuschina sco eir las cafetarias aint in l’ospidal ed illa Chasa Puntota.
Fabian Trottmann
manader logistica
Andri König
manader cuntrada da bogns
Sylvia Marchesi
manadra economia da chasa Ospidal
Charlie Maskos
manader gastronomia
Barbla Ursina Moreira-Näff
manadra economia da chasa Chasa Puntota
Fabio Schlegel
manader mantegnimaint
Flurin Taisch
manader tecnica
Marketing
L’incumbenza dal marketing es da commercialisar ils servezzans e’ls prodots dal CSEB. Il marketing succeda sün divers chanals, da broschüras sur la pagina-web fin a social media. Il marketing es suottamiss al commember da la direcziun Claudio Duschletta.
Claudio Duschletta
directer Bogn Engiadina
manader marketing
Gerhard Hauser
directer Servezzans
manader servezzan da persunal
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 822 12 00 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.