Specialista / specialist chüra SSS (Fliunza)

Sco specialista o specialist chüra es Ella / El respunsabel per l’inter process da la chüra. Quai cumpiglia la valütaziun, planisaziun, realisaziun e controlla da la chüra professiunala cul böt da ragiundscher la megldra qualità da vita pussibla pels umans chürats. Ella / El inscuntra umans cun differentas malatias fisicas e psichicas illas differentas fasas da vita, da poppins fin a persunas fich attempadas ed our da differentas culturas. La scolaziun per quist manster ha lö illas gestiuns da la chüra da lunga dürada, da l’Ospidal e da la Spitex.

Daplü infuormaziuns sur dal manster

La procedura d’annunzcha es reglada dal chantun e maina tras ün portal da candidatura bel ed aposta (link suotvart). I’ns fa plaschair, sch’Ella / El tscherna il CSEB sco affar per Sia scolaziun!

S’annunzchar uossa sül portal da candidatura da l’OdA Sandà e Sozialesser Grischun

_____________________________________________________

Specialista / specialist sandà AFQ (FaGe)

Specialistas e specialists sandà (SpeSa) han üna stretta collavuraziun cun oters umans – paziaintas, lur confamiliars, cun umans da differentas specialisaziuns professiunalas e culturas. Els vegnan scolats mincha jada ün on illas gestiuns da la chüra da lunga dürada, da l’Ospidal e da la Spitex.

Daplü infuormaziuns sur dal manster

S’annunzchar uossa i’l CSEB

_____________________________________________________

Assistenta /assistent chüra ed accumpognamaint AFP (ACA)

Assistentas ed assistents sandà e social sustegnan umans cun limitaziuns corporalas, spiertalas o socialas a gnir a fin cun lur minchadi. Els vegnan scolats illas gestiuns da chüra da lunga dürada dal CSEB.

Daplü infuormaziuns sur dal manster

S’annunzchar uossa i’l CSEB

_____________________________________________________

Commercianta / commerciant AFQ

Commerciantas e commerciants lavuran i’ls plü differents secturs da l’economia chi’d es trapartida in 19 branschas. I’ls differents chomps d’acziun surpiglian els lavurs administrativas ed organisatoricas. Els vegnan scolats mincha jada ün on illas differentas domenas recepziun Chasa Puntota, servezzan da persunal e finanzas / administraziun da paziaints.

Daplü infuormaziuns sur dal manster

Daplü infuormaziuns da la branscha sandà

S’annunzchar uossa i’l CSEB

_____________________________________________________

Cuschinunza / Cuschinunz AFQ

Cuschinunzas e cuschinunzs lavuran illa chadafö da gestiuns da gastronomia. Els piglian incunter vivondas, preparan landroura menüs chods e fraids e tils pinan da maniera decorativa. Implü pisserna per ün andamaint da lavur sainza incaps tanter il persunal in cuschina ed i’l service. Els vegnan scolats illas chadafös i’l Ospidal ed illa Chasa Puntota.

Daplü infuormaziuns sur dal manster

S’annunzchar uossa i’l CSEB

_____________________________________________________

Specialista / Specialist d’economia da chasa AFQ

Specialistas d’economia da chasa lavuran in dmuras, ospidals, hotels e gestiuns gastronomicas. Là organiseschna ed evadna lavurs d’economia da chasa. Els guardan pel bainstar dals umans chi vegnan e van in lur intrapraisa. Els vegnan scolats illa Chasa Puntota.

Daplü infuormaziuns sur dal manster

S’annunzchar uossa i’l CSEB

_____________________________________________________