Ospidal_Übersicht_2

Allegra a l’Ospidal.

L’ospidal in Engiadina Bassa es respunsabel pel provedimaint da basa e d’urgenza da la regiun. L’ospidal regiunal es bain situà geograficamaing, però in mincha cas na davo la glüna in reguard a la medicina.

L’ospidal a Scuol es familiar e professiunal. El es ancrà sün nivel regiunal ed orientà internaziunalmaing. El ha tradiziun e va vias innovativas. El spordscha medicina classica però eir cumplementara fich moderna e s’ha acquistà in Svizra üna rolla da pionier i’l sectur da la sgürezza dals paziaints. Cuort e bön: L’ospidal as distingua cun sia varietà. Qua nu daja «o ün otschel» dimpersè «tant l’ün sco l’oter» – e quai da la chüna fin pro’l let da chüra. La sgürezza dals paziaints e la qualità han lapro üna priorità maximala. L’ospidal nu dess esser unicamaing üna chasa per amalats, dimpersè surtuot ün lö da la sandà. Perquai s’ingaschan tuot ils collavuraturs di per di. 365 dis l’on, da di e da not, pissera il team fich motivà e bain scolà pel bainesser dals paziaints. Chüra persunala, vias cuortas ed üna spüerta vasta – quai sun las caracteristicas da l’ospidal. Interdisciplinarità ed interprofessiunalità vegnan vivüdas i’l minchadi.

Tuot suot ün tet.

Cun la fundaziun dal Center da sandà Engiadina Bassa l’on 2007 ha ragiunt la rait da contacts ün’ulteriur nivel. Gestiuns importantas i’l sectur da la sandà sun reunidas daspö lura suot ün tet: Ospidal, servezzan da salvamaint, spitex, chasa da chüra e Bogn Engiadina. Da sinergias vain fat adöver. Andamaints da gestiun vegnan optimats. Ün barat cuntinuant ha lö, quai chi’d es finalmaing d’avantag pel paziaint.

 

a la pagina-web dal CSEB
Schliessen

Cas d'urgenza 144

Ella/El po ragiundscher da di e da not il servezzan medicinic d’urgenza suot ils nomers seguaints:

  • 081 864 12 12 per la regiun da Scuol
  • 081 856 12 15 per la regiun da Zernez
  • 081 861 81 11 per la regiun da Samnaun

Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.

Il prossem lö cun defibrillatur (AED) in Engiadina Bassa chatta Ella/El sün nossa survista.

REGA1414
Tox-Info145
Polizia117
Pumpiers118
Man offert143
Situaziun sün las vias 163
Bullettin da lavinas187
Clom d'agüd per giuvenils147