Copchar la colliaziun i'l archiv provisoric. Copchà!

Medicina integrativa

Sco prüm center da sandà in Svizra spordscha il Center da sandà Engiadina Bassa (CSEB) in tuot las partiziuns medicina integrativa – üna cumbinaziun da medicina classica e cumplementara.

La medicina integrativa parta d’ün purtret da l’uman cumplessiv. Corp, orma e spiert vegnan integrats cun far la diagnosa ed i’l trattamaint. Ün team da meidis, fliunzs e terapeuts chi’d es specialisà per la medicina classica e cumplementara lavura i’l CSEB strettamaing insembel. Id existan cooperaziuns cun partiziuns d’università e d’ospidal chi spordschan medicina integrativa o perscruteschan quetant.

Na obain ün obain tschel – dimpersè tant l’ün sco l’oter

Nossa spüerta as basa sün la medicina antroposofica extaisa, sün la fitoterapia e la omeopatia. Quai sun las trais normas da basa da la medicina cumplementara chi sun fixadas illa ledscha d’amalats.

La spüerta medicala-medicinala cumpiglia:

  • ün concept da trattamaint persunal e tuottafat orientà a la salutogenesa
  • medicamaints tenor la medicina cumplementara
  • discuors terapeutics

Ils mals individuals, la situaziun da viver actuala ed ils böts da reconvalescenza vegnan lapro resguardats.

Il team da chüra cumplettescha la chüra acuta in reguard a la medicina classica cun spüertas da la medicina cumplementara sco:

  • aromaterapia illa chüra
  • tes da plantas medicinalas
  • bogns da peis
  • fricziuns
  • faschas

Ultra da trattamaints da la fisioterapia, ergoterapia, logopedia e cussagliaziun da nudrimaint cumplettescha il team da la terapia cumplementara il spectrum cun:

  • massascha tenor Pressel
  • bogns da dispersiun cun ölis
  • euritmia terapeutica
  • art-terapia

Nouvas vias i’l trattamaint cumplessiv

Üna contribuziun da l’emischiun PULS sün SF1.

oeldispersonsbad

Spüertas da la medicina integrativa

Terapia integrativa cunter dolurs

Il trattamaint dals specialists da dolur da l’anestesia vain sustgnü integrativamaing cun terapias cumplementaras sco massaschas, faschas, cumpressas o bogns. Ultra da quai vegnan applichadas metodas da detensiun sco Relaxaziun progressiva da las musclas tenor Jakobson (RPM), trenamaint autogen e Mindfullness Based Stress Reducziun (MBSR).

Medicina interna integrativa

Ün trattamaint accumpagnant in reguard a la medicina cumplementara cun medicamaints, terapias cumplementaras ed applicaziuns externas contribuischa a redüer ils simptoms ed a rinforzar las resursas individualas. El serva a sviluppar las forzas in cas da malatias dal sistem cardiovascular, dals organs da respiraziun o dal tract digestiv.

Psicosomatica integrativa

Ün trattamaint psicosomatic integrativ da paziaints cun stanglantüm cronica, lassezza, disturbis d’adattaziun in cas da crisas da la vita – da fenomens secundars vegetativs sco disturbis da la sön, böglia irritabla o irregularitats dal cour, o in cas da malatias corporalas chi sun accumpagnadas da temma e depressiun.

Oncologia integrativa

Ün trattamaint interdisciplinar medicinic e psicooncologic cun terapia antroposofica cunter il cancar cun agüd da vis-cha – per activar il sistem d’immunità e per rinforzar las forzas autocurativas e vitalas, per dischintoxicar/guarir davo üna chemoterapia, sco eir per rinforzar la persunalità e promouver las resursas.

Ginecologia integrativa

In cas da mals ginecologics e pro naschentschas pon spordscher applicaziuns da la medicina cumplementara üna cumplettaziun radschunaivla a favur dal trattamaint.

Chirurgia integrativa

Chüra perioperativa in cas dad operaziuns electivas: Chüra cumplementar-medicinala avant e davo l’operaziun (p.ex. in cas da protesas dal gialun o ruottadüra da l’aingla).

Rimplazzamaint integrativ da la lisüra dal gialun o dal schnuogl

«high tech» & «high touch» – ingüna cuntradicziun a Scuol
Cun la cumbinaziun da metodas d’operaziun modernas da la medicina classica e l’avicinaziun cumplessiva da la medicina integrativa spordschain nus ad Ellas/Els il meglder our da tuots duos secturs e tils reunin per Ellas/Els. Gugent cusgliain nus ad Ellas/Els persunalmaing. Grazcha fich!

 

Daplü da la psicoterapia integrativa

Daplü da la chüra integrativa

Daplü davart las terapias cumplementaras

Daplü davart ulteriuras metodas da terapia

Daplü infuormaziuns davart il rimplazzamaint integrativ da la lisüra dal gialun e dal schnuogl

a la pagina-web dal CSEB
Schliessen

Notfall 144

Unter folgenden Nummern erreichen Sie den hausärztlichen Notfalldienst rund um die Uhr:

  • 081 864 12 12 für die Region Scuol
  • 081 856 12 15 für die Region Zernez
  • 081 861 81 11 für die Region Samnaun

Unter der Nummer 081 861 10 00 erreichen Sie rund um die Uhr die Notfallstation des Ospidal.

Den nächsten AED-Standort im Unterengadin finden Sie auf unserer Übersicht.

REGA1414
Tox-Info145
Polizei117
Feuerwehr118
Dargebotene Hand143
Strassenzustand163
Lawinenbulletin187
Jugendnotruf147