Sia persuna da contact
Gabriela Pless
manadra servezzan da chüra
gestiuns decentralas | Scuol - Samignun - Zernez
Gruppas da chüra
L’Engiadina Bassa es üna regiun vasta. Cun las gruppas da chüra a Zernez, Scuol e Samnaun vain garanti il provedimaint da chüra decentral.
La spüerta staziunaria pussibiltescha als abitants da restar inavant dastrusch a lur center da la vita familiara d’infin uossa. Las gruppas da chüra spordschan da tuottas uras chüra ed assistenza professiunala. Quistas garantischan il provedimaint eir in cas d’ün grond bsögn da chüra. Las persunas vegnan accumpagnadas confuorm a lur bsögns fin ill’ultima fasa da la vita. Las instituziuns han ün caracter familiar e correspuondan tuottüna a las pretaisas architectonicas e da la gestiun d’üna chasa da chüra. Ils abitants vegnan chürats inavant dal meidi da chasa. Las gruppas da chüra vegnan manadas avertamaing, quai voul dir cha amalats da demenza vegnan assistits e chürats integrativamaing.
Pro la spüerta staziunaria appartegnan:
- chüra staziunaria da lunga dürada in cas d’ün domicil fix o chüra transitoria
- lets da vacanzas e da dis-charg
- assistenza da di/not
- assistenza in situaziuns da chüra d’urgenza
- assistenza in situaziuns palliativas
- cinestetica pro la chüra e l’assistenza
A Zernez, Scuol e Samignun stan a disposiziun ultra da las gruppas da chüra eir abitaziuns per vegls. Persunas plü veglias pon uschè viver independentamaing, profitan però da la sgürezza maximala dal post da cussagliaziun, dals servezzans da la Spitex e da las gruppas da chüra. Las abitaziuns a fit sun indrizzadas da maniera adattada a l’età e tenor ils bsögns da persunas cun impedimaints.
Pitschen ma prezius – quai vala pel center da seniors a Samignun-Compatsch. Cun ses plazzas da chüra es il “Chalamandrin” la plü pitschna instituziun da chüra dal model da provedimaint da l’Engiadina Bassa. La pitschnezza spordscha l’avantag per ün’assistenza individuala e flexibla. L’abitaziun moderna es indrizzada da maniera clera e prüvada cun spazi abitabel e local da mangiar sco eir ün üert cun plazza da tschantar.
«Id es nos böt cha las abitantas e’ls abitants possan viver illa gruppa da chüra scha mâ pussibel da maniera autonoma ed independenta. Cha quai es pussibel in «lur val» es important per üna buna qualità da viver.»
Christian Grabner | Manader da la gruppa da chüra Chalamandrin
Center da sandà Engiadina Bassa
CHÜRA – chüra & assistenza
Gruppa da chüra Chalamandrin
Alpenquellweg 20
CH-7562 Samnaun-Compatsch
Tel. +41 81 861 26 84
Gruppa da chüra Prasas-chèr – Scuol (Interrupziun temporaria)
La chasa cun plüssas abitaziuns Prasas-chèr es situada in ün quartier d’abitar a l’ur vers ost dal cumün da Scuol. La gruppa da chüra “Prasas-chèr” es indrizzada in üna gronda abitaziun sül plan terrain e spordscha nouv plazzas d’assistenza. La gronda plazza da tschantar invida a star pachific e pussibiltescha la spassegiada quotidiana i’l ajer frais-ch – eir scha las chommas nu sun plü las plü bunas. Erbas, frütta e verdüra da nos agen üert inrichischan il plan dals menüs.
«In nossa gruppa da chüra mettain nus pais sün ün’atmosfera familiara, allegra ed optimistica. Nos team motivà s’occupa da tuot cour e cun grond ingaschamaint da las abitantas e’ls abitants.»
Anita Noggler | Manadra da la gruppa da chüra Prasas-chèr
Center da sandà Engiadina Bassa
CHÜRA – chüra & assistenza
Gruppa da chüra Prasas-chèr
Via da S-charl 239A
CH-7550 Scuol
Tel. +41 81 861 26 82
La gruppa da chüra «Röven» a Zernez es üna spüerta staziunaria per la populaziun da la part sura da l’Engiadina Bassa. La gruppa da chüra cun nouv plazzas da chüra es situada illa surfabricaziun «Röven 8» i’l center dal cumün. La chasa dispuona ultra da quai d’üna pratcha da meidi, fisioterapia ed abitaziuns per vegls. Activitats multifarias in ün lö protet inrichischan il minchadi dals abitants: i’l lö d’abitar e da recreaziun, sün la terrassa generusa o in üert cun ün’aigna pista da bochas.
«La terrassa generusa e l’üert sun la caracteristica da nossas localitats. Insembel cun las abitantas e’ls abitants eschan nus suvent oura il liber, grigliain, implantain l’era ota o stain simplamaing tuot pachific da cumpagnia e sentin il «puls» dal cumün.»
Jana Lassuthova | Manadra da la gruppa da chüra Röven
Center da sandà Engiadina Bassa
CHÜRA – chüra & assistenza
Gruppa da chüra Röven
Röven 8
CH-7530 Zernez
Tel. +41 81 861 26 80
Sia persuna da contact
Gabriela Pless
manadra servezzan da chüra
gestiuns decentralas | Scuol - Samignun - Zernez
Christian Grabner
manader chasa da chüra Chüra Lischana | Scuol
manader gruppa da chüra Chalamandrin | Samnaun
Jana Lassuthova
manadra gruppa da chüra Röven | Zernez
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 822 12 00 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.