Sia persuna da contact
Gabriela Pless
manadra servezzan da chüra
gestiuns decentralas | Scuol - Samignun - Zernez
Chasas da chüra
Pro las spüertas staziunarias appartegnan:
- chüra staziunaria da lunga dürada in cas d’ün domicil fix o chüra transitoria
- lets da dis-charg e da vacanzas (l’adöver dals lets da vacanzas es limità per ün temp da 4 eivnas)
- assistenza da di/not
- assistenza in situaziuns da chüra d’urgenza
- assistenza in situaziuns palliativas
- cinestetica pro la chüra e l’assistenza
La chasa da chüra «Chüra Lischana» es integrada i’l ospidal a Scuol. Quai pussibiltescha ün’assistenza optimala concernent la medicina e la chüra. L’instituziun spordscha ün nouv dachasa a persunas plü veglias chi nu pon plü abitar in lur ambiaint prüvà. L’assistenza es persunala ed individuala e’ls abitants profitan da divers avantags d’ün ospidal. Uschè eir d’üna cuschina frais-cha, regiunala e stagiunala sco eir d’üna cafetaria. Tuot las stanzas sun cleras, prüvadas e spordschan mincha confort. Il persunal da chüra ha in mera da promouver e mantegner las abiltats spiertalas, corporalas e socialas dals abitants. Il provedimaint es garanti eir in cas d’ün grond bsögn da chüra. Amalats da demenza e persunas cun modificaziuns psichicas vegnan assistits e chürats integrativamaing.
«Nossa fermezza es la vicinanza a l’ospidal. Nus profitain dals meidis sco eir da la fisioterapia directamaing in chasa. Illa Chüra Lischana mettain nus grond pais sün üna chüra ed assistenza individuala.»
Christian Grabner | Manader da la chasa da chüra Chüra Lischana
Center da sandà Engiadina Bassa
Chüra – chüra & assistenza
Chasa da chüra Chüra Lischana
Via da l’Ospidal 280
CH-7550 Scuol
Tel. +41 81 861 10 39
Fax +41 81 861 10 01
La chasa da chüra “Chasa Puntota” a Scuol es ün lö, ingio chi abitan persunas chi han dabsögn da sustegn e chi possan passantar lur vita uschè autonom sco pussibel. Las abitantas e’ls abitants dessan as sentir bain qua – cun tuot lur adüs ed aigna istorgia. La Chasa Puntota spordscha üna chüra ed assistenza cumpetenta, orientada als abitants e cumplessiva. Bainesser, sgürezza, efficacità e rendabilità sun la pozza da la gestiun. Las 65 stanzas d’ün let pon gnir indrizzadas tenor agen giavüsch.
Per l’assistenza sun partecipadas diversas gruppas da lavur. Ils bsögns e giavüschs individuals da las abitantas e dals abitants stan i’l center d’attenziun. Ils collavuraturs e las collavuraturas inscuntran ad Ellas/Els cun respet, amiaivlezza e stima. Autonomia, protecziun e sgürezza vegnan promovüdas e pussibiltadas cun üna structuraziun dal minchadi ch’Ellas/Els cundecidan.
Gruppa da chüra protetta «Arnica» per persunas cun üna demenza
La gruppa da chüra Arnica es ün lö particular. Ella s’ha specialisada sün l’assistenza e la chüra da persunas dementas. Quistas han dabsögn da la protecziun e dal sustegn da nus tuots. Nos böt es da pudair spordscher a quistas persunas la megldra qualità da viver pussibla.
Cuschina
Il team da chadafö spordscha mincha di pasts variats ed equilibrats. Tuot tenor ils bsögns o ordinaziun medicinala ed eir davo consultaziun cun la cussagliaziun da nudrimaint pon gnir preparadas las spaisas eir individualmaing. Confamiliars e visitas pon as partecipar als pasts sün giavüsch e sün preavis (Per ün giantar esa da’s preannunzchar infin il plü tard il di precedaint a las 12.00).
Cafetaria
La cafetaria sta a disposiziun a tuots abitants e tuottas visitas. Per predschs favuraivels survegnan ils giasts üna vasta spüerta da bavrondas e dutscharias. La cafetaria es averta mincha di da las 08.00 fin a las 16.30.
«Il persunal da la Chasa Puntota as distingua cun üna chüra cumpetenta ed amuraivla. La terapia d’activaziun spordscha ün program multifari da divertimaint e d’occupaziun e l’üert invida a star pachific. La Chasa Puntota es ün lö d’inscunter cun sia plazzetta sulagliva e la cafetaria prüvada.»
Uwe Höllrigl | Manader dal servezzan da chüra da la chasa da chüra Chasa Puntota
Center da sandà Engiadina Bassa
Chüra – chüra & assistenza
Chasa da chüra Chasa Puntota
Via da la Dmura 421
CH-7550 Scuol
Tel. +41 81 861 21 00
General: chasapuntota@cseb.ch
Chüra: cpo.pflege@cseb.ch
Sia persuna da contact
Gabriela Pless
manadra servezzan da chüra
gestiuns decentralas | Scuol - Samignun - Zernez
Christian Grabner
manader chasa da chüra Chüra Lischana | Scuol
manader gruppa da chüra Chalamandrin | Samnaun
Uwe Höllrigl
manader servezzan da chüra
chasa da chüra Chasa Puntota | Scuol
Kira Cacco
manadra gruppa da chüra Enziana, Chasa Puntota | Scuol
Tina Malloth
manadra gruppa da chüra Alvetern, Chasa Puntota | Scuol
Herbert Parth
manader gruppa da chüra Grusaida, Chasa Puntota | Scuol
Rita Padrutt
manadra gruppa da chüra Arnica, Chasa Puntota | Scuol
Cas d'urgenza 144
Ella/El po ragiundscher da di e da not il servezzan medicinic d’urgenza suot ils nomers seguaints:
- 081 864 12 12 per la regiun da Scuol
- 081 856 12 15 per la regiun da Zernez
- 081 861 81 11 per la regiun da Samnaun
Ella/El po ragiundscher suot il nomer 081 861 10 00 da di e da not la staziun d’urgenza da l’ospidal.
Il prossem lö cun defibrillatur (AED) in Engiadina Bassa chatta Ella/El sün nossa survista.